September 29, 2021

විනය පරික්ෂණයක් නැතිවෙයි? ඉදිරි සංචාරවලට තිදෙනා ගැන අවධානය

එංගලන්ත සංචාරය අතර ජෛව ආරක්ෂිත බුබුළෙන් පිටතට ගොස් විනය කඩ කිරීම සම්බන්ධයෙන් චෝදනා ලැබ සිටින ශ්‍රී ලංකා ක්‍රිකට් හිටපු උප නායක කුසල් මෙන්ඩිස්, නිරෝෂන් දික්වැල්ල සහ ධනුෂ්ක ගුණතිලක යන ක්‍රීඩකයන් තිදෙනා සම්බන්ධයෙන් තීරණය එළැඹෙන සතියේ දී ප්‍රකාශ කිරීමට නියමිත බවයි වාර්තා වන්නේ.

පසුගිය සතියේ ඔවුන් සම්බන්ධව චෝදනා පත්‍රය භාර දී ඇති අතර තිදෙනාටම ඒ සඳහා පිළිතුරු ලබාදීමට දින තුනක කාලයක් ලබාදී තිබුණා. 

ක්‍රීඩකයන් තිදෙනාම චෝදනා පත්‍රයන් සඳහා සිය පිළිතුරුද මේ වන විට ලබා  දී ඇති බවයි වාර්තා වන්නේ.

මම ක්‍රීඩකයන් තිදෙනා වරද පිළිගතහොත් විනය පරික්ෂණයක් අවශ්‍ය නොවන බවත්, ඉදිරි සතියේ දී තිදෙනා ගැනම තීරණයක් ගන්නා බවත් ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතා පවසා තිබෙනවා.

ඔවුන් සම්බන්ධව ගනු ලබන අවසන් තීරණය අනුව ඉදිරියේ දී පැවැත්වීමට නියමිත දකුණු අප්‍රිකානු කණ්ඩායමේ ශ්‍රී ලංකා සංචාරය සහ මෙම වසර අවසාන කාලයේ පැවැත්වීමට නියමිත T20 ලෝක කුසලාන තරඟාවලියට සම්බන්ධ කරගන්නවාද නැද්ද යන්න පිළිබඳවද තීරණය කිරීමට නියමිතයි.

Rate this item
(5 votes)
Last modified on Sunday, 25 July 2021 19:44