ඇල්ලේදී උදව්වට ආපු සුදු නෝනා

2025 සැප්‍තැම්‍බර් 06, ප.ව. 7:27

ඇල්ල-වැල්ලවාය ප්‍රධාන මාර්ගයේ සිදු වූ ඛේදජනක බස් අනතුරෙන් පසු ශ්‍රී ලාංකික වෛද්‍ය කණ්ඩායම්වලට සහාය වීම සඳහා විදේශීය සෞඛ්‍ය සේවිකාවක් පැමිණ සිටිනු දක්නට ලැබිණි.

තුවාල වූවන්ට එම ස්ථානයේ ප්‍රතිකාර ලබා දෙමින් සිටියදී හෙඩ් ලයිට් එකක් පැළඳ සිටි එම කාන්තාව වෛද්‍යවරුන් සහ හදිසි ප්‍රතිචාර දක්වන්නන් සමඟ ක්‍රියාශීලීව කටයුතු කළාය.

ආරංචි මාර්ගවලට අනුව, ඇය වෛද්‍ය ශිෂ්‍යාවක, පුහුණුවන සෞඛ්‍ය සේවිකාවක හෝ රෝහලක සේවය කරන අයකු විය හැකි අතර අනතුර සිදු වූ අවස්ථාවේ ඒ අවට රැඳී සිටීම නිසා සහායට පැමිණ තිබේ.

අනතුරින් මේ වන විට මගීන් 15 දෙනෙකු සහ මුදා ගැනීමේ කටයුත්වල නියැළුණු අයකු මිය ගොස් ඇති අතර තවත් බොහෝ දෙනෙකු බරපතළ තුවාල ලබා ඇත.

තුවාල ලැබූවන් බේරා ගැනීමට සහ රෝහලට ප්‍රවාහනය කිරීම සඳහා පොලිසිය, හමුදා සහ සිවිල් ස්වේච්ඡා සේවකයන්ගේ සහාය ඇතිව මහා පරිමාණ ගලවා ගැනීමේ මෙහෙයුමක් දියත් කරන ලදී.

”මේ තමයි Amy.මෙයා තමයි අපේ Doctorsලා කණ්ඩායමත් එක්ක එතනහිටපු foreign lady. මෙයා UKවල paramedic කෙනෙක්. අම්මත් එක්ක තමයි ලංකාවට ඇවිල්ලා ඉන්නෙ Vacationඑකකට. මේ සිද්ධිය වෙන වෙලාවෙ මෙයාලා හිටියෙ The journey club එකේ. මෙයාලගෙ ගයිඩ් මහත්මයත් මෙයාලත් එක්ක හිටියා.මේ සිද්ධිය ආරංචි වුණ ගමන් දෙපාරක් නොහිතා මෙයා ක්ෂණිකව මෙතෙනට එනවා තමන්ගෙ උපරිම සහයෝගය දෙන්න. අනතුරට පත් වූ අන්තිම කෙනෙත් උඩට ගෙනාවට පස්සෙ තමයි මෙයා ගෙදර ආවෙ. වෙන රටක ඉඳන්ඇ විත් අපේ මිනිස්සු අමාරුවේ වැටුන වෙලාවේ ඒ ජිවිතබේරගන්න කරපු කැප කිරීමට හදවතින්ම රෙස්පෙක්ට්”