Miss Teen Tourism තරගාවලියට ශ්‍රී ලංකාව වෙනුවෙන් අංජානා පිලිපීන් යයි

2025 අගෝස්‍තු 03, පෙ.ව. 12:07

---

---

‘මිස් ටීන් ටුවරිසම්’ (Miss Teen Tourism) ශ්‍රී ලංකා කිරුළ දිනාගත් අංජානා හීනටිගල මෙනෙවිය, එම ජාත්‍යන්තර තරගාවලිය සඳහා ශ්‍රී ලංකාව නියෝජනය කරමින් පිලිපීනය බලා පිටත්ව ගොස් තිබේ. ඇය පසුගිය 30 වනදා අලුයම කටුනායක ගුවන්තොටුපොළෙන් සිය ගමන ආරම්භ කළාය. 

ලොව පුරා රටවල් 40ක තරගකාරියන්ගේ සහභාගීත්වයෙන් පැවැත්වෙන මෙම තරගාවලියේ අවසන් මහා තරගය, එළඹෙන අගෝස්තු මස 08 වන දින පිලිපීනයේ මැනිලා නුවරදී පැවැත්වීමට නියමිතය.

මෙම තරගාවලියේ ජාතික අධ්‍යක්ෂවරයා මෙන්ම අංජනාගේ පුහුණුකරු වන චරිත් ගුණසේකර මහතාද ඇයට සුබපැතුම් එක්කිරීම සඳහා ගුවන්තොටුපොළ වෙත පැමිණ සිටියේය.

---