“මම ටික් ටොක් කරන්නෙත් නෑ – මම ඒවා බලන්නෙත් නෑ”

2022 සැප්‍තැම්‍බර් 22, පෙ.ව. 9:22

ආසියානු ක්‍රිකට් කුසලානය ජයග්‍රහණයත් එක්ක මේ දවස්වල හැමෝම කතා කරන්නේ අපේ ක්‍රිකට් කණ්ඩායම ගැන.

ශ්‍රී ලංකා ක්‍රිකට් කණ්ඩායමේ කඩවසම් ක්‍රීඩකයන් අතර වඩාත් කඩවසම් රුවක් හිමි චාමික කරුණාරත්න ගැන තමයි මේ දවස්වල තරුණියන් නම් වැඩියෙන් කතා කරන්නේ.

චාමිකගේ කඩවසම් පෞරුෂය, සුන්දර සිනහව වගේම දක්ෂතාව නිසා බොහෝ තරුණියන් තමන්ගේ ක්‍රෂ් එක කරගෙන ඉන්නේ චාමිකවලු.

හැමෝම චාමික ගැන කතා කරන්නේ ඔහුගේ විවිධ ටික්ටොක් වීඩියෝස් සමාජ මාධ්‍ය හරහා සංසරණය වන නිසා.

ඉතින් ඒ ගැන ඔහු රූපවාහිනී වැඩ සටහනකට සහභාගි වූ අවස්ථාවකදී අදහස් දක්වලා තිබුණේ මේ විදියටයි.

” හැමෝම මට කියනවා ටික් ටොක් වීරයා. ටික්ටොක් කරනවා කියලා. මගේ ෆෝන් දෙකක් තියෙනවා දෙකේම ටික් ටොක් ඇප් එකවත් නෑ. මම ටික් ටොක් කරන්නෙත් නෑ මම බලන්නෙත් නෑ. මගේ මොනවහරි ටික් ටොක් එකක් දැක්කම මම ඒක ඉන්ස්ටග්‍රෑම් එකේ ශෙයාර් කරනවා. මොකද කවුරුහරි මට ආදරේ නිසානේ එයාගේ කාලය වැය කරලා මගේ ටික්ටොක් එකක් කරන්නෙ. ඉතින් ඒ නිසා මම ඒවා රිශෙයාර් කරනවා මගේ ඉන්ස්ටග්‍රෑම් එකේ. එච්චරයි මම කරන්නෙ. මම ටික්ටොක් කරන්නෙ නෑ.’’