“මගේ වයසත් එක්ක මට ගැලපෙනවා නම් ඕනෑම ඇඳුමක් මම දෙපාරක් හිතන්නේ නැතුව අඳිනවා”

2024 මැයි 14, පෙ.ව. 12:04

කලා ලෝකය තුළ ආදරණීය රංගන ශිල්පිනියක් විදිහට බොහෝ දෙනෙක්ගේ හදවත දිනාගත්තු ඇය ප්‍රියසාත් පවුලේ ආදරණීය වැඩිමහල් දියණිය වන දිනක්ෂි ප්‍රියසාද්. ඇය ගැන කතා කරද්දි ඇයට පියාගේ පාර්ශවයෙන් උරුම වුනු හැකියාවන් එක්ක තමයි පුංචි තිරයටත් රිදී තිරයටත් ගොඩ වුණේ.

මේ දිනවල විකාශය වන විසල් ආදරය කියන චිත්‍රපටිය තුලත් දිනක්ෂි බොහෝ දෙනෙක් කතාබහ කරන චරිතයක් නිරූපණය කරනවා. ඉතින් ඒ චරිතයටත් බොහෝ දෙනෙක්ගේ ආදරය හිමි හිමිවෙලා මේ වෙද්දී මේ චිත්‍රපටය ආදායම් වාර්තා තබමින් තිරගත වෙනවා කියලත් ආරංචියි.

ඒ වගේම තමයි පසුගිය දවසක දිනක්ෂි සහභාගී වූ වැඩසටහනක් සඳහා ඇය ඇඳපු ඇඳුමක් ගැන බොහෝ දෙනෙක් කතාබහ කරන්න පටන් ගත්තා. ඒ ඇඳුම සංස්කෘතියට ගැලපෙන්නෑ කියලත් සමහරක් දෙනවා කියන්න පටන් ගත්තා.ඒ සියලුම අදහස් එක්ක ඒ සම්බන්ධයෙන් අහපු අවස්ථාවකදී දිනක්ෂි කිව්වේ මේ වගේ කතාවක්.

“එතැනදි මම කරන චරිතයට මම සාධාරණයක් කරන්න ඕනෑ. එතැනදි මගේ සීමාවන්ට අනුව මට ගැළපෙනවා නම් මම ඒ ඇදුම අඳිනවා. ඒ වගේම මගේ වයසත් එක්ක, මට ගැළපෙනවා නම් මම දෙපාරක් නොසිතා ඒ ඇ
දුම අඳිනවා. මම ඉන්ස්පයර් වෙලා තිබෙන්නේ මගේ අම්මාගෙන්. පොඩි කාලේ ඉඳලම මම දැක්කේ මගේ අම්මා හරිම ලස්සනට අඳින විධිය. ඒ වගේම තමන්ගේ වයසට, විශේෂයෙන්ම ඇඟට ගැළපෙනවා නම් ඕනෑම කෙනෙක්ට ඕනෑම විලාසිතාවක් කරන්න පුළුවන්.”