“මම පාර්ලිමේන්තු ගියේ නැති එක නෙමේ දුක – ජවිපෙ නලින්ද ගියේ නැති එක” – පාලිතගේ මනුස්සකම ජවිපෙ හදවත පාරවයි

2024 අප්‍රේල් 19, ප.ව. 10:45

---

---

තමන් පාර්ලිමේන්තු නොයාමට වඩා තමන්ට දුක නලින්ද ජයතිස්ස පාර්ලිමේන්තු නොයාම බව පාලිත තෙවරප්පෙරුම මහතා සඳහන් කරන ලද බව ජනතා විමුක්ති පෙරමුණේ හිටපු පාර්ලිමේන්තු මන්ත්‍රී නලින්ද ජයතිස්ස මහතා සඳහන් කළා.

2020 පැවති පාර්ලිමේන්තු මැතිවරණයෙන් පාලිත තෙවරප්පෙරැණ මහතා සහ තමන් පරාජය වූ පසු තෙවරප්පෙරුම මහතා මාධ්‍ය වෙත මේ බව සඳහන් කළ බවද ඒ මහතා සදහන් කළා.

තමන්ගේ පක්ෂය කෙනෙක්වත් එහෙම එවන් ප්‍රකාශයක් කියාවි යයි හිතන්න අමාරු වුවද පාලිත තෙවරප්පෙරුම මහතා එවන් ප්‍රකාශයක් කළ බවත් හෙතෙම කියා පැවසුවා.

තමන් විරුද්ධ පක්ෂයක දේශපාලනඥයෙකුගේ අවමංගල්‍ය උත්සවයක ගුණ කථනයක් කරන ලද පළමු අවස්ථාව මේ බවත් ඒ මහතා කියා සිටියා.

අභාවප්‍රාප්ත පාලිත තෙවරප්පෙරුම මහතාගේ අවමංගල්‍ය උත්සවය අමතමින් හෙතෙම මෙම අදහස් පළ කළා.

---