“අපි ජීවත් වෙන්නේ සදාචාර සම්පන්න රටකනේ. ඉතින් අපි හැම වෙලාවෙම ඒ රාමුවේ ඉඳලා ජීවත් වෙන්නේ” – උදාරි වර්ණකුලසූරිය

2025 ජූනි 05, පෙ.ව. 12:02

---

---

නිතර නිතර නිර්මාණවලින් දකින්න නොලැබුණාට, පුංචි තිරයෙ වගේම රිදී තිරයේත් සුවිශේෂී රංගන හැකියාවක් පෙන්නුම් කරන ජනප්‍රිය රංගන ශිල්පිනියකි, උදාරි වර්ණකුලසූරිය.

මේ දිනවලත් ඈ “දේවි කුසුමාසන” එක්ක රිදී තිරයේ රූප මවනවා.

නිතර නිර්මාණවලින් දකින්න නොලැබුණාට, උදාරි වර්ණකුලසූරිය නම ලේසියෙන් අමතක වන නමක් නොවෙයි.

එහෙම ජනප්‍රියත්වය රඳා පවත්වාගැනීමත් ලේසි පහසු වැඩක් නෙවෙයි…

”අපිට ප්‍රසිද්ධ වෙන්න පුළුවන්. හැබැයි ජනප්‍රිය වෙන්න හරි අමාරුයි.

අර කිව්වත් වගේ ජනප්‍රියත්වය පවත්වාගෙන යෑම ඊටත් වඩා අමාරු කාර්යයක්.

ඉතිං මම ඒ අභියෝගයට මුහුණ දීලා ඒක එලෙසම පවත්වාගෙන යනවා.

මොනවා වුණත් අපි ජීවත් වෙන්නේ සිංහල සංස්කෘතියක් තිබෙන සදාචාර සම්පන්න රටකනේ.

ඉතිං අපි හැම වෙලාවෙම ඒ රාමුවේ ඉඳලා ජීවත් වෙන්නේ.

වෘත්තීයමය නළු නිළියන් විදිහට අපිට හොලිවුඩ්වල, බොලිවුඩ්වල තිබෙන පරාසයන්ට ගමන් කරන්න පුළුවන් සීමාවක් තිබෙනවා.

ලෝකයත් එක්ක ගත්තාම අපේ රට වගේම අපේ සිනමාව හරිම පුංචියි.

අපි ඉතිං අපිට සුදුසු දේවල් තෝරාගෙන චරිතවත් විදිහට හිටියොතින් ප්‍රේක්‍ෂකයන් අපිට හැමදාම ආදරය කරාවි.”

උපුටාගැනීම : මීවිත | දිනේෂ් විතාන

---