සැමියා නිසා නැවතත් අනුෂ්කාට වෙලා තියන දේ මෙන්න.. ඔහුගේ පසුබෑමට ඇය මොකක් කරන්නද..?

2025 ඔක්‍තෝබර් 25, පෙ.ව. 12:09

ඇත්තටම කෝලි සිදුකළේ වැරදි තෝරාගැනීමක්ද..? බොහෝදෙනෙක්ගේ චෝදනාව වන්නේ නම් එයයි. ඒත් ඇය නිහඬයි.

ඇගේ රසිකයින් පසුබට නොවී ඊට පිළිතුරු ලබාදෙන එක ඇත්තෙන්ම ඇයට මේ මොහොතේ ශක්තියක් වෙන්න ඇති. මොකක්ද මේ කතාව..?

ඉන්දීය ක්‍රිකට් ක්‍රීඩක විරාත් කෝලි, ඔස්ට්‍රේලියාවට එරෙහිව පිට පිට එක්දින (ODI) තරඟ දෙකකදී ලකුණු ලබා නොගෙන දැවී යාමෙන් පසු, ඔහුගේ බිරිඳ වන බොලිවුඩ් නිළි අනුෂ්කා ෂර්මා නැවත වරක් අන්තර්ජාල වෛරී ප්‍රහාරයකට ලක්ව තිබෙනවා.

කෝලි සිය වෘත්තීය ජීවිතය තුළ ඔස්ට්‍රේලියාවට එරෙහිව පිට පිට එක්දින තරඟ දෙකකදී ලකුණු නොලබා දැවී ගිය පළමු අවස්ථාව මෙයයි.

වසර ගණනාවකට පසු වුවද කෝලි, පිටියේදී අසාර්ථක වන සෑම අවස්ථාවකම අනුෂ්කාට දොස් පැවරෙන තත්ත්වය වෙනස් වී නැහැ. සමාජ මාධ්‍ය ඔස්සේ අනුෂ්කාගේ නම සෙවීමේදී, විරාත්ගේ දුර්වල ක්‍රීඩා විලාසය වෙනුවෙන් ඇයට චෝදනා කරන බොහෝ ‘මීම්’ (memes) සහ පෝස්ටු පළවන බව පෙනී යන්නක්.

විවේචකයෝ චෝදනා කරන්නේ ඇය විරාත්ගේ අසාර්ථකත්වයට හේතුව බවයි.

සමාජ ජාල තුළ තවත් අය ප්‍රකාශ කළේ, ‘වැරදි සහකාරියක් සිටීමෙන් ඔබේ වෘත්තිය සම්පූර්ණයෙන්ම විනාශ කළ හැකි ආකාරය පිළිබඳ ජීවමාන උදාහරණය වන්නේ විරාත් කෝලි යි’ යනුවෙන්.

තවත් සමහරු ඇය ඔහුගේ වෘත්තියට හදන්න බැරි හානියක් කළ බවට ද චෝදනා කරනවා.

එක් සටහනක, ඇයට මරණය පවා ප්‍රාර්ථනා කර තිබුණා.

කෙසේ වෙතත්, අනුෂ්කාගේ රසිකයන් ද ඇය වෙනුවෙන් ඉදිරියට පැමිණෙමින් සිටින අතර, ක්‍රීඩකයන්ගේ අසාර්ථකත්වයන්ට කාන්තාවන්ට දොස් පැවරීමේ ලිංගිකත්වය (sexism) සහ ස්ත්‍රී ද්වේශසහගත (misogyny) ක්‍රියා විවේචනයට ලක් කරනවා.

Threads සමාජ ජාලයේ පරිශීලකයෙක් අදහස් දක්වමින්, “තම ප්‍රියතම ක්‍රීඩකයාට නරක දවසක් ඇති සෑම අවස්ථාවකම, පුරුෂයන්ගේ බිඳෙනසුලු ආත්ම අභිමානයට දොස් පැවරීමට කාන්තාවක් අවශ්‍ය වීම නම් මාරයි” යනුවෙන් සඳහන් කළා.

තවත් රසිකයෙක් පෙන්වා දුන්නේ, “මේ අය ඔවුන්ගේ ප්‍රියතම ක්‍රීඩකයන්ගේ දුර්වල ක්‍රීඩා විලාසය වෙනුවෙන් වෙනත් අයෙකුට දොස් පැවරීමට පමණක් උත්සාහ කරන” බවයි.

X සමාජ ජාල පරිශීලකයෙක් ‘පිට පිට දෙවැනි වතාවට ලකුණු නොබලා දැවීයාමෙන් පසු විරාත්ගේ බිරිඳ වන අනුෂ්කා ෂර්මාට චෝදනා කිරීම ගැන කෝලි රසිකයන් ලැජ්ජා විය යුතුයි’ යනුවෙන් සටහන් කළා.

ක්‍රිකට් ක්‍රීඩක විරාත් කෝලිට සහ නිළි අනුෂ්කා ෂර්මා 2017 දී විවාහ වූ අතර ඔවුන්ට වාමිකා නම් දියණියක් සහ අකායි නම් පුතෙක් සිටිනවා. මෙම යුවළ ඉතා පෞද්ගලික ජීවිතයක් ගත කිරීමට උත්සාහ කරන අතර, සමාජයේ අඩු අවධානයක් යොමු වන ලෙසයි කටයුතු කරන්නේ. සමහර රසිකයන් පෙන්වා දුන්නේ, මෙම අඛණ්ඩ ඔන්ලයින් හිරිහැර කිරීම් නිසා විරාත් සහ අනුෂ්කා ඔවුන්ගේ පවුල ලන්ඩනයට ගෙන යාමට තීරණය කළා විය හැකි බවයි.

අනුෂ්කා අවසන් වරට රංගනයෙන් දායක වූයේ 2018 වසරේ තිරගත වූ Zero චිත්‍රපටයට වන අතර, ඇගේ Chakda ‘Xpress නම් ක්‍රීඩා චිත්‍රපට ව්‍යාපෘතිය නතර කර දමා තිබෙනවා.