A 9 පාර වසා ගොවීන් විරෝධයේ

2022 මැයි 08, ප.ව. 4:11

---

---

තම කුඹුරු සී සෑම සඳහා ට්‍රැක්ටර් වලට යෙදීම සදහා බුලී වලට ඉන්ධන ලබා දෙන ලෙස ඉල්ලා ගොවීන් පිරිසක් අද (08) දින මහනුවර යාපනය ඒ 9 ප්‍රධාන මාර්ගය දඹුල්ල බස් ඩිපෝව ඉදිරියෙන් වසා දමා විරෝධ්තාවයක නිරත වූ බව ඒෂියන් මිරර් වාර්තාකරු සඳහන් කළා.

මෙම විරෝධතාවය හේතුවෙන් මාර්ගයේ ගමන් ගත් වාහන වලට දැඩි  අපහසුතාවයකට පත් වූ අතර බුලි වලට ඉන්ධන ලබා  නොදෙන්නේ නම් අනෙකුත් වාහන වලට ද ඉන්ධන ලබා දීමට ඉඩ ලබා නොදෙන බවට තවත් උද්ඝෝෂකයින් පිරිසක්  පිරවුම්හල් සේවකයන්ට තර්ජනය කර තිබෙනවා.

මාර්ගයේ ගමන් ගන්නා රථවාහන හිමියන් ද දැඩි  අපහසුතාවයට පත් වීමත් සමග එම ස්ථානයට දඹුල්ල පොලිසියේ රථ වාහන අංශයේ ස්ථානාධිපතිවරයා ඇතුළු කණ්ඩායමක් පැමිණ ඉන්ධන පිරවුම්හලේ අයිතිකරු සමග සාකච්ඡා කොට මෙම ගොවීන්ට ඉන්ධන ලබා දීමට එකඟත්වය පළ කර තිබෙනවා.

---