ජනපති ඡන්දෙට මන්ත්‍රී දෙපලක් ඡන්ද දී නෑ! රාජපක්ෂවරු තිදෙනෙක් ඡන්දය දෙයි

2022 ජූලි 20, ප.ව. 12:10

---

---

ජනාධිපතිවරයා තෝරා පත් කර ගැනීමේ ඡන්දයට මන්ත්‍රීවරුන් දෙදෙනෙකු ඡන්දය ප්‍රකාශ කර නොමැති බව පාර්ලිමේන්තු මහ ලේකම්වරයා ප්‍රකාශයට පත් කළා.

දෙමළ ජාතික ජනතා සන්ධානය නියෝජනය කරන සෙල්වරාසා කජේන්ද්‍රන් සහ සහ ජී.ජී පොන්නම්බලම් මන්ත්‍රීවරු ජනාධිපතිවරණයට ඡන්දය නොදුන් අයයි.

මේ අතර හිටපු අග්‍රාමාත්‍ය මහින්ද රාජපක්ෂ, හිටපු අමාත්‍යවරුන් වන චමල් රාජපක්ෂ, නාමල් රාජපක්ෂ, හිටපු රාජ්‍ය අමාත්‍ය ශෂීන්ද්‍ර රාජපක්ෂ පාර්ලිමේන්තු ඡන්ද විමසීමේදී සිය ඡන්දය භාවිත කළා.

ජනාධිපතිවරයා තෝරා පත් කර ගැනීමට අදාළව පාර්ලිමේන්තුවේ පැවැත්වෙන ඡන්ද විමසීමේ කටයුතු අවසන් වූ අතර මේ වන විට ඡන්දය ගණන් කිරීමේ කටයුතු ආරම්භ කර තිබෙනවා.

අපේක්ෂකයන් වෙනුවෙන් ඡන්දය ගණන් කිරීම නිරීක්ෂණය කිරීම සඳහා නියෝජිතයන් තිදෙනකු නම් කිරීමට අවස්ථාව  ලබාදුන්නා.

රනිල් වික්‍රමසිංහ මහතා වෙනුවෙන් හරීන් ප්‍රනාන්දු මහතා ද ඩලස් අලහප්පෙරුම මහතා වෙනුවෙන් ඩිලාන් පෙරේරා මහතා ද අනුර දිසානායක මහතා වෙනුවෙන් විජිත හේරත් මහතා ද නිරීක්ෂණය සඳහා නම් කෙරුණා.

---