2023 මාර්තු 14, ප.ව. 1:53
අත්යවශ්ය මහජන සේවාවක් ලෙස නම් කළ දුම්රිය දෙපාර්තමේන්තුවේ සියලු ම කාර්ය මණ්ඩලවල නිවාඩු වහා ම ක්රියාත්මක වන පරිදි අවලංගු කෙරී තිබෙනවා.
2023.02.27 දිනැති 2321/07 දරන රජයේ අතිවිශේෂ ගැසට් නිවේදනයට අනුවයි ශ්රී ලංකා දුම්රිය සේවය අත්යවශ්ය සේවාවක් බවට අතිගරු ජනාධිපතිවරයා විසින් ප්රකාශයට පත් කෙරුණේ.
ඒ අනුව 1979 අංක 61 දරන අත්යවශ්ය මහජන සේවා පනතේ 2 වන වගන්තිය ප්රකාර ව අත්යවශ්ය මහජන සේවාවක් ලෙස ප්රකාශ කර ඇති ශ්රී ලංකා දුම්රිය සේවයේ සියලුම කාර්ය මණ්ඩලවල නිවාඩු 2023.03.14 වන දින සිට වහා ම ක්රියාත්මක වන පරිදි අවලංගු කිරීමට දුම්රිය සාමාන්යාධිකාරීවරයා විසින් පියවර ගෙන ඇති බව සඳහන්.
එම නිවේදනයට අනුව දුම්රිය සේවාව අඛණ්ඩ ව සහ කාර්යක්ෂම පවත්වාගෙන යෑම සඳහා 2023.03.15 දින සේවයට වාර්තා නො කරන සියලු නිලධාරීන්ගෙන් ඒ පිළිබඳ නිදහසට කරුණු විමසා තමන් වෙත වාර්තාවක් ඉදිරිපත් කරන ලෙස දුම්රිය සාමාන්යාධිකාරි ඩබ්ලිව්.ඒ.ඩී.එස් ගුණසිංහ මහතා විසින් දෙපාර්තමේන්තුව සියලු ප්රධානීන් වෙත දන්වා තිබෙන බව යි වාර්තා වන්නේ.
2024 ඔක්තෝබර් 14, ප.ව. 12:20
2024 ඔක්තෝබර් 13, ප.ව. 5:34
2024 ඔක්තෝබර් 11, ප.ව. 12:54
2024 ඔක්තෝබර් 10, ප.ව. 4:25
2024 ඔක්තෝබර් 07, ප.ව. 4:56