2023 ජූනි 23, පෙ.ව. 8:40
2023 මුල් කාර්තුව තුළ දී ශ්‍රී ලංකාවේ සමස්ත ණය ප්‍රමාණය එක්සත් ජනපද ඩොලර් මිලියන 6,858 කින් ඉහළ ගොස් ඇති බව වාර්තා වනවා.
මෙය 2022 වසර අවසානය හා සැසඳීමේ දී 8% ක වැඩිවීමක්.
මුදල්, ආර්ථික ස්ථායීකරණ හා ජාතික ප්‍රතිපත්ති අමාත්‍යාංශය විසින් ප්‍රකාශයට පත් කරන ලද 2023 පළමු කාර්තුවෙහි ණය වාර්තාවට (Debt Bulletin) අනුව මේ බව අනාවරණය වී තිබෙනවා.
මෙම වාර්තාවට අනුව 2022 වසර අවසාන වන විට ශ්‍රී ලංකාවේ සමස්ත ණය ඩොලර් මිලියන 84,703 ක් වන අතර ඊට ඩොලර් මිලියන 40,123 ක දේශීය ණය, ඩොලර් මිලියන 35,976 ක විදේශ ණය සහ ඩොලර් මිලියන 3,477 ක සහතික ණය (Guaranteed Debt) මෙන්ම ඩොලර් මිලියන 5,127 ක ශ්‍රී ලංකා මහ බැංකුවේ ණය ද අන්තර්ගත වී තිබුණා.
මෙම සමස්ත ණය ප්‍රමාණය 2023 මාර්තු මාසය අවසානය වන විට ඩොලර් මිලියන 91,561 ක් දක්වා ඉහළ ගොස් තිබෙනවා.
එහිදී සමස්ත දේශීය ණය ප්‍රමාණය ඩොලර් මිලියන 46,900 ක් දක්වාත්, විදේශ ණය ඩොලර් මිලියන 36,090 ක් දත්වාත් ඉහළ ගොස් තිබෙනවා.
සහතික ණයවල විශාල වෙනසක් මෙම කාර්තුව තුළ සිදුව නොමැති අතර එම අගය ඩොලර් මිලියන 3,506 ක් ලෙසින් සටහන්ව තිබෙනවා.
මහ බැංකුවේ ණය ඩොලර් මිලියන 5,065 ක් දක්වා අඩු වී තිබීම විශේෂත්වයක්.
2024 දෙසැම්බර් 31, ප.ව. 4:56
2024 දෙසැම්බර් 30, ප.ව. 2:46
2024 දෙසැම්බර් 27, ප.ව. 3:42
2024 දෙසැම්බර් 26, ප.ව. 1:46
2024 දෙසැම්බර් 24, ප.ව. 5:22