මැද පෙරදිග යුද ගැටුම් මැද ඩොලරයේ අගය ඉහළට

2026 මාර්තු 05, ප.ව. 3:28

බදාදා දිනයට සාපේක්ෂව අද වාණිජ බැංකුවල ඇමරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වී ඇති අතර, විකුණුම් අනුපාතය රු. 313 ක් ලෙස ස්ථාවරව පවතී.

සෙලාන් බැංකුවට අනුව, ඇමරිකානු ඩොලරයේ මිලදී ගැනීමේ සහ විකිණීමේ අනුපාත පිළිවෙලින් රු. 307.55 සිට රු. 307.85 දක්වා සහ රු. 312.30 සිට රු. 312.60 දක්වා ඉහළ ගොස් තිබේ.

එන්ඩීබී බැංකුවේ, ඇමරිකානු ඩොලරයේ මිලදී ගැනීමේ අනුපාතිකය රු. 306.90 සිට රු. 307.25 දක්වා ඉහළ ගොස් ඇති අතර, විකුණුම් අනුපාතය ද රු. 313.40 සිට රු. 313.75 දක්වා ඉහළ ගොස් තිබේ.

මහජන බැංකුව වාර්තා කරන්නේ ඇමරිකානු ඩොලරයේ මිලදී ගැනීමේ අනුපාතය රු. 306.58 සිට රු. 306.93 දක්වා ඉහළ ගොස් ඇති අතර විකුණුම් අනුපාතය ද රු. 313.34 සිට රු. 313.70 දක්වා ඉහළ ගොස් ඇති බවයි.

මේ අතර, කොමර්ෂල් බැංකුවේ, ඇමරිකානු ඩොලරයක මිලදී ගැනීමේ සහ විකිණීමේ අනුපාත පිළිවෙලින් රු. 304.86 සිට රු. 305.35 දක්වා සහ රු. 313.25 සිට රු. 313.75 දක්වා ඉහළ ගොස් තිබේ.

සම්පත් බැංකුවේ, මිලදී ගැනීමේ අනුපාතිකය රු. 306.75 සිට රු. 307.50 දක්වා සහ විකුණුම් අනුපාතිකය රු. 313.25 සිට රු. 314 දක්වා ඉහළ ගොස් තිබේ.