කුවේට් හිදී අත්අඩංගුවට ගත් කලාකරුවන් ඇතුළු පිරිස නිදහස් කරලා

2024 අගෝස්‍තු 04, ප.ව. 1:45

---

---

කුවේට් රාජ්‍යයේදී අත්අඩංගුවට ගැනුණු කලා ශිල්පීන් ඇතුළු ශ්‍රී ලාංකිකයින් 26 දෙනෙකුගෙන් 24 දෙනෙකු, නිදහස් කර තිබෙන බව විදේශ කටයුතු අමාත්‍යංශය පවසනවා.

විදේශ කටයුතු අමාත්‍යංශය සඳහන් කළේ “එතෙර අපි සංවිධානයේ” කුවේට් ශාඛාව සංවිධානය කළ “ශ්‍රී ලංකන් සමර් නයිට්ස්” සංගීත ප්‍රසංගයේදී මෙම පිරිස අත්අඩංගුවට ගෙන තිබෙන බවයි.

මෙලෙස අත්අඩංගුවට ගත් පිරිස අතර ඉන්ද්‍රචාප, උපේකා නිර්මාණී, ජොලි සියා සිටින බව පැවසෙනවා.

කුවේටයේ ශ්‍රී ලංකා තානාපතිගේ මැදිහත් විමෙන් 24 දෙනෙකු මේ වන විට නිදහස් කර ගෙන තිබෙන අතර සංගීත ප්‍රසංගය සංවිධාන කළ දෙදෙනා රිමාන්ඩ් භාරයේ සිටින බවයි සඳහන් වන්නේ.

නිසි අවසරයකින් තොරව ප්‍රසංගය සංවිධානය කිරිම යන හේතුව මත මෙම පිරිස අත්අඩංගුවට ගෙන තිබෙන බව පැවසෙනවා.

---