මිරිස් කුඩු ගැන ආන්දෝලනාත්මක අනාවරණයක්

2022 නොවැම්‍බර් 26, ප.ව. 3:14

---

---

වෙළෙඳපොළට කෑලි මිරිස් සහ මිරිස් කුඩු බෙදාහරින ලොරියක් අහඹු ලෙස පරීක්ෂා කිරීමට මහජන සෞඛ්‍ය පරීක්ෂකවරුන් කටයුතු කර තිබුණා.

අම්බලන්ගොඩ මහජන සෞඛ්‍ය පරීක්ෂකවරුන් සිදු කළ එම පරීක්ෂාවේදී හෙළිවී ඇත්තේ අදාළ මිරිස් කුඩු සහ කෑලිවල සියයට 50ක් එක්කර ඇත්තේ ලුණු, පාන්පිටි සහ වර්ණක බවයි.

එහි සාම්පල් රස පරීක්ෂක වෙත යවා ලැබුණු වාර්තාවෙන් මේ බව හෙළිවී තිබෙනවා.

අම්බලන්ගොඩ මහජන සෞඛ්‍යය පරීක්ෂක හංසික නදීෂ් මහතා පැවසූවේ ජනතාව පරිභෝජනයට ගන්නා ආහාර වර්ගවලට මෙවැනි දේ එකතු කිරීමෙන් ජනතාව රෝගවලට ගොදුරුවීම වැඩිවන බවයි.

සිද්ධිය සම්බන්ධයෙන් බලපිටිය මහෙස්ත්‍රාත් අධිකරනයේ නඩු පැවරීමෙන් පසු බලපිටිය මහෙස්ත්‍රාත්වරයා නියෝග කර ඇත්තේ මෙලෙස මිනිස් පරිභෝජනයට නුසුදුසු මිරිස් කුඩු කිලෝ 368ක් විනාශ කරන ලෙසයි.

සැකකරුට රුපියල් 30,000ක මුදල් දඩයක් පනවා තිබෙනවා.

---