2023 පෙබරවාරි 17, ප.ව. 1:25
ආණ්ඩුව විසින් මැතිවරණ අවලංගු කිරීම හෝ කල්දැමීමට ගන්නා පියවර පිලිබඳව දැඩි කනස්සල්ලට පත්ව තිබෙන බව ලිබරල් තරුණ ව්‍යාපාරය නිවේදනයක් නිකුත් කරමින් සඳහන් කරනවා.
එම නිවේදනය නිකුත් කර තිබෙන්නේ ලිබරල් තරුණ ව්‍යාපාරයේ ප්‍රධාන මෙහෙයුම් නිළධාරී නාමිණී පණ්ඩිත විසින්.
එම සම්පූර්ණ නිවේදනය පහතින්,
ආණ්ඩුව විසින් මැතිවරණ අවලංගු කිරීම හෝ කල්දැමීමට ගන්නා පියවර පිලිබඳව ලිබරල් තරුණ ව්‍යාපාරය ලෙස අප දැඩි කනස්සල්ලට පත්ව සිටිමු. මැතිවරණ යනු ප්‍රජාතන්ත්‍රවාදී ක්‍රියාවලියේ අනිවාර්ය අංගයක් බව අප විශ්වාස කරන අතර මැතිවරණ අවලංගු කිරීම හෝ කල්දැමීම, ප්‍රජාතන්ත්‍රවාදයට බරපතල බලපෑම් ඇති කළ හැකිය.
ප්‍රජාතන්ත්‍රවාදයේ හරය වන්නේ නිදහස් හා සාධාරණ මැතිවරණයි. පුරවැසියන්ට තම නියෝජිතයන් තෝරා ගැනීමටත්, එම නියෝජිතයන් වගවීමට ලක්කිරීමටත් අයිතිය ඇත්තේ මැතිවරණ හරහා ය. මැතිවරණ අවලංගු කිරීම, පුරවැසියන්ට ඔවුන්ගේ මූලික අයිතිවාසිකමක් වන ඡන්ද අයිතිය භාවිතා කිරීමට ඇති අවස්ථාව ප්‍රතික්ෂේප වීමක් අතර එය ප්‍රජාතන්ත්‍රවාදී ක්‍රමය කෙරෙහි විශ්වාසය බිඳ වැටීමට හේතු විය හැක. මැතිවරණ අවලංගු කරන විට, ප්‍රජාතන්ත්‍රවාදී ක්‍රියාවලිය අඩපණ වන අතර, එය ආණ්ඩුවේ නීත්‍යානුකූලභාවය ප්‍රශ්න කිරීමට හේතුවක් වේ. එමෙන්ම පුරවැසියන්ට, පාලකයන් ඔවුන්ගේ හඬට සවන් නොදෙන බව හැඟී යා හැකි අතර මේ නිසා දේශපාලන ක්‍රමය කෙරෙහි විශ්වාසය නැති වී තේරී පත් වූ නියෝජිතයන් කෙරෙහි විශ්වාසය නැති විය හැකිය.
ප්‍රජාතන්ත්‍රවාදී වටිනාකම් ප්‍රවර්ධනය කිරීමට සහ ආරක්ෂා කිරීමට කැපවී සිටින ව්‍යාපාරයක් ලෙස, ලිබරල් තරුණ ව්‍යාපාරය, මැතිවරණය නිදහස්, සාධාරණ සහ විනිවිදභාවයෙන් යුතුව පැවැත්වීම සහතික කිරීමට අවශ්‍ය සියලු පියවර ගන්නා ලෙස බලධාරීන්ගෙන් ඉල්ලා සිටිමු. අපි සියලු පුරවැසියන්ගෙන් ඉල්ලා සිටින්නේ සුපරීක්ෂාකාරීව සිටින ලෙසත් ඔවුන්ගේ හඬට සවන් දෙන ලෙසට පාලකයන්ට බල කරන ලෙසත්ය. ප්‍රජාතන්ත්‍රවාදය ආරක්ශා කිරීමටත්, අපේ රටේ පුරවැසියන්ගේ ඡන්ද අයිතිය ආරක්ශා කිරීමටත් අප සැවොම එක්ව ක්‍රියා කල යුතුය.
නාමිණී පණ්ඩිත
ප්‍රධාන මෙහෙයුම් නිළධාරී,
ලිබරල් තරුණ ව්‍යාපාරය
2025 මාර්තු 22, පෙ.ව. 12:31
2025 මාර්තු 22, පෙ.ව. 12:29
2025 මාර්තු 22, පෙ.ව. 12:24
2025 මාර්තු 22, පෙ.ව. 12:24
2025 මාර්තු 22, පෙ.ව. 12:24