මහින්ද රෝහලේ කියන කතාවේ ඇත්ත නැත්ත මෙන්න

2025 අප්‍රේල් 04, ප.ව. 3:23

අසනීප තත්වයක් හේතුවෙන් හිටපු ජනාධිපති මහින්ද රාජපක්ෂ මහතා රෝහල්ගත කර ඇති බව ඇතැම් වෙබ් අඩවි කිහිපයක් හා සමාජ මාධ්‍ය පිටු කිහිපයක් අද උදෑසන වාර්තා කර තිබුණි.

ඒ මහතාව කොළඹ පෞද්ගලික රෝහලකට ඇතුළත් කර ඇති බවත් දණහිස ආශ්‍රිත ශල්‍යකර්මයක් සඳහා රෝහල් ගත කර ඇති බවත් එම වාර්තා වල දැක්වුණි.

මේ ගැන ශ්‍රී ලංකා පොදු ජන පෙරමුණේ මිලින්ද රාජපක්ෂ සමාජ මාධ්‍ය සටහනක් තබමින් පවසා ඇත්තේ සියලු කතා බොරු බවයි.

“පට්ටපල් බොරුවක්. මහින්ද මහත්තයා විජේරාමෙ ගෙදර. ගොඩක් අය කෝල් කරල අහන නිසයි ෆේස්බුක් එකේ දැම්මේ. හැමෝටම තෙරුවණ් සරණයි.”

“ඉස්පිරිතාලෙ ඉස්පිරිතාලෙ කියල සමහරු ෆේස්බුක් එකේ නහින්න හදන නිසා මීටිමකට යන ගමන් විජේරාමෙට ගොඩවුනා. මහින්ද සර් පත්තරේ කියෝ කියෝ ඉන්නවා. අපි ට්‍රම්ප්ගෙ විස්තරේ කතාකරල සර් ගානෙ බත් චුට්ටක් කාල පිටත් වුනා. හැමෝටම තෙරුවණ් සරණයි.” යනුවෙන් ඔහු සඳහන් කර ඇත.