නෙළුනී සෞන්දර්යා යොවුන් සංචාරක රූ රැජින කිරුළ අරන් ලංකාවට (PHOTOS)

2023 අගෝස්‍තු 23, ප.ව. 1:52

ඝානා රාජ්‍යයේ පැවති 04 වන යොවුන් සංචාරක රූ රැජින (Miss Teen Tourism) තරගාවලියට සහභාගී වී එහිදී ජයග්‍රාහිකාව බවට පත් වූ නෙළුනී සෞන්දර්යා මෙනවිය අද (23) කටුනායක ගුවන් තොටුපොළ වෙත පැමිණියා.

මෙම තරගාවලිය රටවල් 20 ක තරගකාරියන්ගේ සහභාගීත්වයෙන් ඉකුත් 01 වනදා සිට 20 වනදා දක්වා ඝානා රාජ්‍යයේ අක්‍රා නුවර පවත්වා තිබූ අතර ශ්‍රී ලංකාව පළමු වරට මෙම ජයග්‍රහණය හිමි කර ගැනීම ද විශේෂත්වයක්.

මෙම ජයග්‍රහණය රැගත් නෙළුනී සෞන්දර්යා මෙනවිය අද (23) අලුයම 05.20 ට ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටියා.

ඇය පිළිගැනීම සදහා මෙම තරගාවලියට ඇය යොමු කළ නෙක්ස්ට් ඉවෙන්ට් මැනේජ්මන්ට් ආයතනයේ ජාතික අධ්‍යක්ෂ චරිත් ගුණසේකර මහතා, එම ආයතනයේ සහෝදර නිරූපිකාවන් මෙන්ම ඇයගේ දෙමාපියන් ද කටුනායක ගුවන් තොටුපොළ පැමිණීමේ පර්යන්තය වෙත පැමිණ සිටියා.