මටත් බුකියේ වීරයා වෙන්න තිබ්බා…නමුත්… – පාසල් සමරු ඵලකයේ නම තිබිලා වෙච්චි ඇබැද්දිය ගැන නලින්ද කට අරී

2025 ජූනි 12, පෙ.ව. 10:13

වාද්දුව මධ්‍යම මහා විද්‍යාල තාක්ෂණ ගොඩනැගිල්ලේ සමරු ඵලකයේ තම නම පමණක් නොව අගමැතිතුමියගේ ද නම තිබූ බව අමාත්‍ය නලින්ද ජයතිස්ස පවසයි.

ප්‍රතිපත්තියක් ලෙස සමරු ඵලකවල නම දැමීමට තමන් කිසි දිනක එකඟ නොමැති නමුත් එහි තමන්ගේ නම ඇති බව දුටුවේ එය විවෘත කරන අවස්ථාවේ බවත් ඇමතිවරයා ප්‍රකාශ කරයි.

තමාට ඒ අවස්ථාවේ ම රැඩිකල් තීන්දුවක් ගෙන එම සමරු ඵලකය ගලවා විසි කරන ලෙස දැනුම් දී සමාජ මාධ්‍ය වීරයෙක් වෙන්නට හැකියාව තිබුණ ද එය එම පාසලට සුවිශේෂ අවස්ථාවක් නිසා එසේ නොකළ බව ද නලින්ද ජයතිස්ස පෙන්වා දෙයි.

කෙසේ වුව ද තමන් එම චාම් උත්සවය සඳහා ගියේ කිසිදු ආරක්ෂකයෙකු නොමැතිව සිය වාහනය පදවා ගෙන බවත් කෙටියෙන් කතාවක් ද සිදුකර නැවත පැමිණි බවත් ඇමතිවරයා සඳහන් කරයි.