2025 අගෝස්‍තු 29, පෙ.ව. 8:33
නාමල් රාජපක්ෂ මන්ත්‍රීවරයා සියලු වෘත්තීය සමිති නායකයෝ නෙලුම් මාවතට ගෙන්නල වෘත්තීය සමිති අරගලයක් කරන්න කියලා උපදෙස් ලබාදී තිබෙන බව, සමස්ත ලංකා ප්‍රවාහන සේවක සංගමයේ ප්‍රධාන ලේකම් සේපාල ලියනගේ සඳහන් කරයි.
ප්‍රධාන ලේකම් සේපාල ලියනගේ සඳහන් කළේ,
“මේ පහුගිය දවසක ඒකාබද්ධ කාලසටහන සෙප්පඩ විජ්ජාවක් කියන එක අල්ලගෙන පරාජිත පක්ෂවලට සම්බන්ධ වෘත්තීය සමිති, සුන්බුන් පක්ෂවලට සම්බන්ධ ඇතැම් වෘත්තීය සමිති ඒකාබද්ධ කාලසටහන් ක්‍රමවේදය අල්ලගෙන වැඩ වර්ජනයක් කිරීම සඳහා උත්සාහයක් ගත්තා.
ඊයේ රෑ 12 ඉදලා සමස්ත ලංගම ඒකාබද්ධ කාලසටහන් ක්‍රමවේදයට විරුද්ධව වෘත්තීය ක්‍රියාමාර්ගයක් ගන්න මේගොල්ලෝ සැලසුම් හැදුවා. ඒගොල්ලෝ නිකන්ම නෙමෙයි හැදුවේ. ඇත්තටම නාමල් රාජපක්ෂ ඔයා ලැජ්ජා වෙන්න ඕන.
ඔයා තමයි මේ සියලු වෘත්තීය සමිති නායකයෝ ගෙන්නලා නෙලුම් මාවතට, එතනදී උපදෙස් දීලා තියෙන්නේ වෘත්තීය සමිති අරගලයක් කරන්න කියලා. නාමල් මහත්තයෝ ඔයාට එකක් කියන්න ඕන. ඕගොල්ලෝ හිතාගෙන ඇති ලේසියෙන්, පහසුවෙන් මේ ආණ්ඩුව ඉවත් කරන්න. බෑ.. ඔයාගේ ජීවිත කාලය තුලම මේ ආණ්ඩුව වෙනස් කරන්න බෑ.”
කොළඹ පැවති මාධ්‍ය හමුවකට එක්වෙමින් සමස්ත ලංකා ප්‍රවාහන සේවක සංගමයේ ප්‍රධාන ලේකම් සේපාල ලියනගේ මේ බව සඳහන් කරයි.
2025 අගෝස්‍තු 29, පෙ.ව. 9:49
2025 අගෝස්‍තු 29, පෙ.ව. 8:57
2025 අගෝස්‍තු 29, පෙ.ව. 8:54
2025 අගෝස්‍තු 29, පෙ.ව. 8:39
2025 අගෝස්‍තු 29, පෙ.ව. 12:13