2023 අගෝස්‍තු 12, පෙ.ව. 1:09
වාරිමාර්ග අමාත්‍යංශය යටතේ ක්‍රියාත්මක වෙමින් තිබු මහා පරිමාණ සංවර්ධන ව්‍යාපෘති 09ක් සදහා ඉකුත් වර්ෂය තුල රුපියල් මිලියන 203,159ක වියදමක් දරා තිබු අතර ව්‍යාපෘති ක්‍රියාත්මක කිරිමේ දි පැවති දුර්වල කළමණාකරණය හේතුවෙන් සැලසුම්කළ පරිදි නිමකිරිමකින් තොරව එකි ව්‍යාපෘති අත්හැරදැමිමට සිදුව ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සදහන් වෙනවා.
මෙම ව්‍යාපෘති අතුරින් ව්‍යාපෘති 07ක ප්‍රගතිය සියයට 0 සිට සියයට 13.16ක අවම මට්ටමක පැවති බවද විගණනය මගින් අනාවරණය කොට ඇත.
මෙම ව්‍යාපෘති 09 සදහා ඇස්තමේන්තුගත වටිනාකම රුපියල් මිලියන 333,569ක් සහ ඇමරිකානු ඩොලර් මිලියන 690ක් විය.
මහා පරිමාණ සංවර්ධන ව්‍යාපෘතින් නැවත ක්‍රමෝපායකරණය හා කඩිනම් කිරිමේ නිර්දේශ ප්‍රකාරව අග්‍රාමාත්‍ය ලේකම්වරයා විසින් 2023 ජනවාරි මස 13 දින වාරිමාර්ග අමාත්‍යංශයේ ලේකම්වරයා වෙත ඉදිරිපත්කොට තිබු ලිපියට අනුව 2023 වර්ෂයේ සිට මෙකි ව්‍යාපෘති ක්‍රියාත්මක නොකිරිමට තිරණය කොට ඇති බවද විගණන වාර්තාවේ සදහන් වෙනවා.
මෙකි ව්‍යාපෘති අතුරින් තල්පිටිගල ජලාශ ව්‍යාපෘතිය, දෙමටගල්ල හා කුඩාවිලච්චිය, වැව් ප්‍රතිසංස්කරණ ව්‍යාපෆතිය, ගිං නිල්වලා හැරවිමේ ව්‍යාපෘතිය, කුඹුක්කන් ඔය බහුකාර්ය සංවර්ධන ව්‍යාපෘති යන ව්‍යාපෘති සදහා මෙතෙක් දරා ඇති පිරිවැයෙන් මේ දක්වා ජාතික ආර්ථිකයට කිසිදු දායකත්වයක් ලැබි නොතිබුණා.
උමාඔය බහුකාර්ය සංවර්ධන ව්‍යාපෘතියේ ප්‍රමාද කාලය වසර 07කුත් මාස හයක් වි තිබුණා.
මෙකි ව්‍යාපෘතිය ප්‍රමාදවිම නිසා සිදුවි ඇති පාඩුව රුපියල් මිලයන 150,562ක් බවද විගණන වාර්තාවේ සදහන් වෙනවා.
2024 දෙසැම්‍බර් 25, ප.ව. 2:45
2024 දෙසැම්‍බර් 25, පෙ.ව. 10:15
2024 දෙසැම්‍බර් 25, පෙ.ව. 10:13
2024 දෙසැම්‍බර් 25, පෙ.ව. 10:09
2024 දෙසැම්‍බර් 25, පෙ.ව. 10:06