සබරගමුව විශ්වවිද්‍යාලයේ ගැටුමක් – 9ක් රෝහලේ

2023 පෙබරවාරි 16, පෙ.ව. 10:43

---

---

සබරගමුව විශ්වවිද්‍යාල සිසුන් පිරිසක් අතර ඊයේ (15) රාත්‍රී කාලයේදී ආරවුලක් ඇති වී තිබෙනවා.

පොලිසිය සඳහන් කළේ, එම ආරවුල සිදු වන අවස්ථාවේදී සිදු කළ පහර දීමකින් 9 දෙනෙකු තුවාල ලබා ඇති බවයි.

තුවාල ලැබූ සිසුන් 9 දෙනා ප්‍රතිකාර සඳහා බලංගොඩ රෝහලට ඇතුළත් කර තිබෙනවා.

සබරගමුව විශ්වවිද්‍යාලයේ කළමනාකරණ පීඨයේ ඉගෙනුම ලබන නේවාසිකව සිටින සිසුන් පිරිසක් සහ එම විශ්වවිද්‍යාලයේ ම ඉගෙනුම ලබන තවත් සිසුන් පිරිසක් අතර මෙම ආරවුල හට ගෙන ඇති බව පොලිසිය පැවසුවා.

පහර දීමට සම්බන්ධ සැකකරුවන් අත්අඩංගුවට ගැනීම සඳහා සමනලවැව පොලිස් ස්ථානය වැඩිදුරට විමර්ශන සිදු කරනවා.

---