බොරු කිවුවොත් දඬුවම්.. දයාසිරිට, ගම්මන්පිලට වැඩ වරදිනවා

2025 ජූනි 11, පෙ.ව. 12:04

රේගු පරීක්ෂාවකින් තොරව බහළුම් 323 ක් පිට කිරීමක් සම්බන්ධයෙන් දයාසිරි ජයසේකර මන්ත්‍රීවරයත් උදය ගම්මන්පිල හිටපු අමාත්‍යවරයාත් ප්‍රකාශ කර ඇත්තේ අසත්‍ය නම් ඒ සම්බන්ධයෙන් රහස් පොලිසිය පියවර ගනු ඇතැයි තමන් විශ්වාස කරන බව මහජන ආරක්ෂක නියෝජ්‍ය ඇමති සුනිල් වටගල මහතා සඳහන් කරයි.

ඔවුන් විසින් පවසා ඇත්තේ අසත්‍ය බව පැහැදිලිව පෙනී යන බවත් ඒ නිසා ඔවුන්ට වැඩ වරදිනු ඇති බවත් ඒ මහතා පැවසුවේය.

පටු පෞද්ගලික දේශපාලන අභිලාෂ ඉෂ්ට කරගැනීම ඉදිරියේදී භයානක වනු ඇති බවද ඒ මහතා අවධාරණය කරයි.

මාධ්‍යවේදීන් විසින් කරන ලද විමසීමකට ප්‍රතිචාර දක්වමින් ඔහු මෙම අදහස් පළ කළේය.