2024 මැයි 15, පෙ.ව. 12:04
දිවයින පුරා ක්‍රියාත්මක වන “සුවසැරිය” ගිලන්රථ සේවාවේ ගිලන් රථ 322න් 56ක් භාවිතයට ගැනීමට නොහැකි තත්ත්වයට පත්ව ඇති බව විපක්ෂ නායක සජිත් ප්‍රේමදාස මහතා සදහන් කරයි.
සුවසැරිය ගිලන්රථ අලුත්වැඩියා කිරීමටත්, අඩුපාඩුකම් සොයා බැලීමටත් ප්‍රමාණවත් රාජ්‍ය අවධානය හා රාජ්‍ය අනුග්‍රාහය ලැබිලා නැති බවද විපක්ෂ නායකවරයා ඊයේ (14) පාර්ලිමේන්තුවේදී සදහන් කරයි.
විපක්ෂ නායක සජිත් ප්‍රේමදාස මහතා තවදුරටත් සදහන් කළේ,
“මේ මොහාත වනවිට සුවසැරිය ගිලන්රථ සේවාවේ ගිලන්රථ 322න් 56ක් අවුට් ඔෆ් සර්විස්. ඒ වගේම විශාල ප්‍රමාණයක් ඉමජන්සි මෙඩිකල් ටෙක්නීෂින්ලා ඒ වගේම රියදුරන් රට අතහැර ගිහිල්ලා තියෙනවා. ඒ වගේම ඇත්ත වශයෙන් ඒ අය පුහුණු කරන්නට කාලයක් ගත වෙනවා. ඒ කටයුත්ත ක්‍රියාත්මක කරන්නට අද පුද්ගලයින් නැහැ. ඒ වගේම ඉමර්ජන්සි මෙඩිකල් ටෙක්නිෂියන්ලා තෝරා ගෙන ඉන්න අයගේ බොහොම සුළු ප්‍රමාණයක් තමයි කැමත්ත පළ කරලා තියෙන්නේ මේකට බැඳෙන්න.
ඒ වගේම මේ ගිලන්රථ රෙපෙයාර් කිරීමේදීත් ඒ අඩුපාඩුකම් සොයා බැලීමේදීත් ඇත්ත වශයෙන්ම ඒවට ප්‍රමාණවත් රාජ්‍ය අවධානය, රාජ්‍ය අනුග්‍රාහය ලැබිලා නැහැ. ඒ නිසා විශේෂයෙන් මේ සුවසැරිය වැඩසටහන කඩා වැටෙන්නට නොදී මෙය නඩත්තු කරන්නට, මේක රැක ගන්න රජයට මැදිහත් වෙන්න කියලා මම ඉල්ලා සිටිනවා.”
2025 ජූලි 31, පෙ.ව. 12:17
2025 ජූලි 31, පෙ.ව. 12:10
2025 ජූලි 31, පෙ.ව. 12:09
2025 ජූලි 31, පෙ.ව. 12:07
2025 ජූලි 31, පෙ.ව. 12:06