සඳුදා සිට සියලුම රියදුරන් මේ ගැන දැඩි අවධානයෙන් ඉන්න

2024 ජනවාරි 19, පෙ.ව. 12:01

රථ වාහන ආලෝක සංඥා ඇතුළු මාර්ග සංඥා ⁣නොතකා රිය ධාවනය ගැන ආරක්ෂිත කැමරා පද්ධතිවල සටහන් වන දත්ත අනුව නීතිමය ක්‍රියාමාර්ග ගැනීමට පියවර ගන්නා බව වැඩබලන පොලිස්පති දේශබන්දු තෙන්නකෝන් මහතා සඳහන් කර සිටිනවා.

ඒ අනුව, ලබන සඳුදා (22) සිට මෙම ක්‍රියාමාර්ගය අනුගමනය කරන බවයි වාර්තා වන්නේ.

එහිදී රථවාහන වැරදිකරුවන් සොයා බලා දඩ පත්‍රිකා වාහනයේ ලියාපදිංචි හිමිකරුගේ ළඟම ඇති පොලිස් ස්ථානය වෙත යැවීමට ද නියමිත බවයි පැවසෙන්නේ.

මේ අතර,අපරාධ පරීක්ෂණ දෙපාර්තමේන්තුව ප්‍රතිව්‍යූහගත කිරීම සඳහා ජාතික පොලිස් කොමිසමේ අනුමැතිය හිමිවූ බවයි, මෙම ප්‍රවෘත්ති සාකච්ඡාවට එක්වෙමින් වැඩබලන පොලිස්පති දේශබන්දු තෙන්නකෝන් මහතා සදහන් කළේ.