2025 අගෝස්‍තු 30, පෙ.ව. 12:05
සමගි ජන බලවේග දූෂණ විරෝධී බලවේගයේ කැඳවුම්කරු, හිටපු පළාත් සභා මන්ත්‍රි නිරෝෂන් පාදුක්ක කොළඹ සජබ කාර්යාලයේදී (28) මාධ්‍ය හමුවක් පවත්වමින් සඳහන් කළේ අර්තාපල් සහ ළූණු සඳහා බද්ද පනවන බවට වූ තොරතුර එම බද්ද පැනවීමට පෙර තමන්ට කීකරු ව්‍යාපාරිකයන්ට රජය විසින් ලබා දී ඇති බවයි.
ඔහු පවසන්නේ මේ හේතුවෙන් බදු අය කිරීමට පෙර ආණ්ඩුවට හිතවත් කූට ව්‍යාපාරිකයන් අල සහ ළුණු තොගයක් ලංකාවට ගෙනැවිත් අවසන් බවයි.
පසුගිය දින 10 තුළ ළූණු ටොන් 18,000ක් සහ අර්තාපල් ටොන් 23,000ක් බද්ද අය කිරීමට පෙර ලංකාවට ගෙන්වා ඇති බව දූෂණ විරෝධී බලවේගයේ කැඳවුම්කරු සඳහන් කළේ ය.
ඒ අනුව, දේශීය ගොවීන්ට ඔවුන්ගේ අස්වැන්න විකුණා ගැනීමට වෙළෙඳපොළක් නැති වී යන බව ඔහු කීය.
ආණ්ඩුව බරපතළ ලෙස රටේ ගොවීන් අපහසුතාවට පත් කිරීමට කටයුතු කරන බවත් දුක් විඳ බැංකුවලට ණය වී ලබාගත් අස්වැන්න විකුණා ගැනීමට අවස්ථාවක් නොදී ආණ්ඩුවට හිතවත් කූට වෙළෙන්දන්ට වෙළෙඳපොළ විවෘත කර දී තිබෙන බවටත් ඔහු චෝදනා කළේ ය.
ජනාධිපතිවරණයේදී, මහ මැතිවරණයේදී, පළාත් පාලන මැතිවරණයේදී ජනතා විමුක්ති පෙරමුණේ පැලවත්ත කාර්යාලය ආර්ථික වශයෙන් ශක්තිමත් කළ ආණ්ඩුවට ශක්තිය ලබා දුන් කූට ව්‍යාපාරිකයන් වෙනුවෙන් රාජපක්ෂ ආණ්ඩුවටත් වඩා වැඩි වේගයකින් වර්තමාන ආණ්ඩුව ආරක්ෂාව සලසමින් සිටින බවටත් ඔහු තවදුරටත් චෝදනා කළේ ය.
2025 අගෝස්‍තු 30, පෙ.ව. 12:10
2025 අගෝස්‍තු 30, පෙ.ව. 12:10
2025 අගෝස්‍තු 30, පෙ.ව. 12:08
2025 අගෝස්‍තු 30, පෙ.ව. 12:07
2025 අගෝස්‍තු 30, පෙ.ව. 12:03