සිංහල අවුරුද්දේ ජල කප්පාදුව සිදු කිරීම පිළිබඳව විශේෂ දැනුම්දීමක්

2026 අප්‍රේල් 05, පෙ.ව. 12:11

---

---

අලුත් අවුරුදු උදාවත් සමඟ ජනතාවට සහනයක් සලසමින් අප්‍රේල් 11 සිට 14 දක්වා කාලය තුළ දිවයිනේ කිසිදු ප්‍රදේශයකට ජල කප්පාදුවක් සිදු නොකිරීමට ජාතික ජල සම්පාදන හා ජලාපවහන මණ්ඩලය තීරණය කර තිබේ.

එමෙන්ම, වියළි කාලගුණය හේතුවෙන් කොළඹ දිස්ත්‍රික්කයේ පාදුක්ක, හෝමාගම, පැලැන්වත්ත සහ පන්නිපිටිය යන ප්‍රදේශවලට පනවා තිබූ පැය 24ක ජල කප්පාදුව අද සිට පැය 18ක් දක්වා අඩු කිරීමට පියවර ගෙන ඇත.

ජල කප්පාදුවට අදාළ තොරතුරු පාරිභෝගිකයන් වෙත කෙටි පණිවුඩ (SMS) මගින් දැනුම් දීමට ද මණ්ඩලය කටයුතු කරමින් සිටී.

පෙර සැලසුම් කළ දිනවලදී මෙම පැය 18ක කප්පාදුව ක්‍රියාත්මක වන අතර, උත්සව සමයේ බාධාවකින් තොරව ජලය සැපයීමට ප්‍රමුඛතාව ලබා දෙන බව එම මණ්ඩලය වැඩිදුරටත් සඳහන් කළේය.

---