කාලගුණය යළි කැළඹෙයි – අද කාලගුණ වාර්තාව මෙන්න

2022 නොවැම්‍බර් 11, පෙ.ව. 4:27

---

---

ශ්‍රී ලංකාවට ගිනිකොණ දෙසින් පවතින අඩු පීඩන කලාපයතවදුරටත් වර්ධනය වී ශ්‍රී ලංකාවේ උතුරු වෙරළ ආසන්නයට ළඟා වීමට හැකි බැවින් උතුරු, උතුරු මැද සහ නැගෙනහිර පළාත්වල පවතින වැසි තත්ත්වය තවදුරටත් අපේක්ෂා කරන බව කාලගුණ විද්‍යා දෙපාර්තමේන්තුව නිවේදනය කරනවා.

නැගෙනහිර, උතුරු, උතුරු මැද සහ වයඹ පළාත්වලත් විටින් විට වැසි හෝ ගිගුරුම් සහිත වැසි ඇති විය හැකි බවයි එම නිවේදනයේ දැක්වෙන්නේ.

දිවයිනේ සෙසු ප්‍රදේශවල සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැකියි.

නැගෙනහිර, උතුරු, උතුරු මැද සහ සබරගමුවපළාත්වල ඇතැම් ස්ථානවලට මි.මී 100 වැඩි තද වැසි ඇති වනවා.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනවා.

---