“ජේවීපී එකට බලය ගියොත් ලංකාවේ කෑල්ලක්වත් ඉතුරු වෙන්නෙ නැතිවෙයි” – අනුර කුමාර ජනාධිපති වුනොත් රටට වෙන හානිය ගැන ආශූගෙන් අමුතු කතාවක් (VIDEO)

2023 ඔක්‍තෝබර් 27, පෙ.ව. 11:02

---

---

ශ්‍රී ලංකාව ගොඩනැගිය හැකි එකම නායකයා රනිල් වික්‍රමසිංහ බව ලෝකයට පෙන්වා දී ඇතැයි එක්සත් ජාතික පක්ෂයේ හිටපු පාර්ලිමේන්තු මන්ත්‍රී ආශු මාරසිංහ මහතා පවසයි.

ඔහු මේ බව කියා සිටියේ සිරිකොත එජාප මූලස්ථානයේ ඊයේ (26) කැඳවා තිබූ මාධ්‍ය හමුවකට එක් වෙමින්.

වසර 75ක් පුරාවට මේ රට විනාශ වී ඇති බැවින් ඉදිරි වසර 05ක කාලය තම පක්ෂයට ලබා දෙන ලෙසත් එය වැරදී ගියහොත් වසර 05ක් පමණක් බවටත් අනුර කුමාර දිසානායක කළ ප්‍රකාශයෙන් ගම්‍ය වන්නේ ඔහුට රට පාලනය කිරීමට විශ්වාසයක් නොමැති බව යැයි ද හිටපු මන්ත්‍රීවරයා සඳහන් කළේ.

කෙසේ හෝ ජනතා විමුක්ති පෙරමුණ බලය ලබා ගතහොත් රට කාම්බෝජියාව, උතුරු කොරියාව හෝ කියුබාව මට්ටමට පත්වීමට ඉඩ ඇති බවත් ඔවුන් බලය බලහත්කාරයෙන් තබා ගන්නවා මිස යළි ලබා දීමක් සිදු නොකරන බවත් ආශු මාරසිංහ වැඩිදුරටත් ප්‍රකාශ කළා.

---