2023 පෙබරවාරි 20, ප.ව. 4:11
ඓතිහාසික සෙංකඩගල පුරවරයට විසල් නගර සංවර්ධන ව්යාපෘතියක් ඓතිහාසික මහනුවර නගරය විධිමත් ලෙස පුර්ණ සංවර්ධිත නගරයක් බවට පත් කිරීම සඳහා ජනාධිපති රනිල් වික්රමසිංහ මහතා ඉදිරිපත් කළ යෝජනාවට කැබිනට් මණ්ඩලයේ ඒකමතික අනුමැතිය හිමිව තිබෙනවා.
කටුගස්තොට දක්වා දිවෙන මධ්යම අධිවේගී මාර්ග ව්යාපෘතිය කඩිනමින් නිම කිරීම සඳහා ඒ අනුව පියවර ගැනෙනු ඇති.
කටුගස්තොට, මහනුවර සහ කුණ්ඩසාලේ යන ප්රදේශ කේන්ද්ර කරගනිමින් විශේෂ සංවර්ධන සැළැස්මක් සකස් කිරීම සඳහා නාගරික සංවර්ධන අධිකාරිය, මහනුවර දිස්ත්රික් සංවර්ධන කමිටුව, දිස්ත්රික්කය නියෝජනය කරන මැති ඇමතිවරුන් සහ නගර නිර්මාණ ක්ෂේත්රය පිළිබඳ විද්වතුන්ගෙන් සමන්විත විශේෂ කමිටුවක් පත් කිරීමට ද නියමිතයි.
මෙම කමිටුව සෑම මාස දෙකකටම වරක් රැස්වී ව්යාපෘතියේ ප්රගතිය සමාලෝචනය කිරීමට නියමිත බව කැබිනට් ප්රකාශක, ප්රවාහන, මහාමාර්ග හා ජනමාධ්ය අමාත්ය ආචාර්ය බන්දුල ගුණවර්ධන මහතා පැවසුවා.
ඊයේ (19) රාත්රියේ වීථි සංචාරය කෙරුණු “ජනරජ පෙරහර” අවසන් වීමෙන් අනතුරුව අද (20) උදෑසන මහනුවර ජනාධිපති මන්දිරයේදී කැබිනට් මණ්ඩල රැස්වීම පැවැත්වුණා.
2024 සැප්තැම්බර් 02, ප.ව. 12:39
2024 අගෝස්තු 30, ප.ව. 3:24
2024 අගෝස්තු 28, ප.ව. 3:00
2024 අගෝස්තු 26, ප.ව. 9:36
2024 අගෝස්තු 23, ප.ව. 1:46