ක්‍රීඩා පිටියෙන් එහාට ගිය සහෝදරත්වය

2025 අප්‍රේල් 04, ප.ව. 2:35

---

---

මේ කියන්න යන්නේ මුහුණුපොතේ හුවමාරු වෙන සටහනක් ගැනයි.

කෙනෙක් තරඟ කරන්නෙම ජයග්‍රහණයක් ලබා ගන්න බලාගෙන.

හැබැයි ජය පැරදුම දෙකම එක සේ විඳ දරා ගන්න පුළුවන් නම් එතන තමයි සැබෑම ජයග්‍රහණය තියෙන්නේ.

මේ අපූරු කතාව ඔබම කියවා බලන්න.

කෝට්ටේ ‘මහා ක්‍රිකට් සටන’ නමින් හැදින්වෙන කෝට්ටේ සී.එම්.එස්.ශ්‍රී ජයවර්ධනපුර මහා විද්‍යාලය හා කෝට්ටේ සාන්ත තෝමස් විද්‍යාලය අතර 46 වෙනි මහා ක්‍රිකට් තරගය පසු ගිය මාර්තු 28,29,30 යන තෙදින කොළඹ කෝල්ට්ස් ක්‍රීඩාංගණයේදී පැවැත්විනි.

එහිදී වසර 22 කට පසුව ක්‍රිකට් ශූරතාවය සී.එම්.එස්.ශ්‍රී ජයවර්ධනපුර මහා විද්‍යාලයට අත් පත් කරදෙන්නට එම ක්‍රීඩා කණ්ඩායමේ නායක සචින් ශෙහාන් ඇතුළු ක්‍රීඩකයන් සමත් විය.

නායක සචින් ශෙහාන් ජයවර්ධනපුර විද්‍යාලයට ජයග්‍රාහී කුසලානය ලබා දුන්නම ක්‍රිකට් කණ්ඩායමෙත්,පාසලේ හැමෝගේමත් සතුට ඉව වහා ගිහිල්ලා පිටිය පුරා ප්‍රීති ඝෝෂා නැගුවා.

සචින්ටත් දරා ගන්න බැරි සතුටක් තිබුනා.

ඒත්..

ක්‍රීඩා පිටියෙ එක් ක්‍රිඩකයෙක් අඩනවා.

ඒක දැකලා සචින් තමන්ට දැනුනු සතුට හිර කර ගත්තා.

අවුරුදු 22ක් ශූරතාවය තම පාසල සතුකර ගෙන තිබුනත් තම නායකත්වය නිසා ශූරතාවය සාන්ත තෝමස් විද්‍යාලයෙන් ගිලිහුනා නේදැයි සිතමින් එම කණ්ඩායමේ නායක දිනුජ ජයසිංහ සහෝදරයා හඩන අයුරු සචින් ශෙහාන් දකිනවා.

සචින් ජයඝෝෂා නගන එක මදකට නවතා සාන්ත තෝමස් නායකයා ලගට ගිහිල්ලා ඔහුව අස්වසනවා.

---