වසර 27කට පසු තුමුල නමුණුකුළ ගිරි හිසෙන් පෑයූ සඳ මඬල (VIDEO)

2025 අප්‍රේල් 04, පෙ.ව. 10:18

---

---

සුදත් ගාමිණී බණ්ඩාර කියන්නේ කවියෙක්, ගීත රචකයෙක්. ඔහු සිංහල පුද්ගලයෙක්. ඔහු කලක් බදුල්ලේ පාසලක විදුහල්පතිවරයෙක්. ඔහුට නිතරම ඇස ගැටෙනවා ඇති ද්‍රවිඩ යුවතියෝ කන්ද උඩරට.

ඔහුගේ කොතන හරි දැනිච්ච දෙයක් තමයි මේ ලියන්නේ. ආදරය වර්ග භේදයක් නැහැ. සිනහවකට හින්දු සිනහවක්ද මුස්ලිම් සිනහවක්ද බෞද්ධ සිනහවක්ද කතෝලික සිනහවක්ද කියලා එකක් නැහැ. ඒ මනුශ්යත්වයේ සිනහව. ඒ මනුශ්‍යත්වයේ සිනහව කොහොමද දැනෙන්නේ

“තුමුල නමුණුකුල ගිරිහිස

උදුල සඳ මඩල දුටු නෙත රැවටුනා තමයි..

කිමද මේ තරම් ඒ ගැන… හිනැහෙන්නට කාරණා

මුහුණ රතු වෙලා දෙනෙතින්…කඳුළු පනින තුරු එළියට ඔහොම හිනා වෙනකොට උඹ ලස්සනයි උමා…”

මේ පද පේලි ඔබව සෑහෙන කාලයක් ආපස්සට ගෙනියන බව නම් නොඅනුමානයි.

මේ ගීතය 90 දශකයේ හරිම ජනප්‍රිය ගීතයක්. සමන් ජයනාත් ජිනදාසයන් ගායනය කළ මේ ගීතයට එදා ඒ තිබුණු ජනප්‍රියත්වය අදටත් එහෙමමයි.

අවුරුදු 27කට විතර පස්සේ ඒ සින්දුව ඔබට මෙහෙම දකින්න ලැබෙයි කියලා ඔබ හිතන්නවත් නැතුව ඇති.

“උමා ට එන්න කිව්වෙ උමා ගැන කතා කරන්න . “උමා” ඇහෙද්දි “උමා” ට ඉන්න බැරි වුණා “මම නටන්න ද?”අහලා මම “හා” කියනකල්වත් ඉන්නෙ නැතුව නටන්න ගත්තෙ ඒකයි.” සහන් රන්වල මේ ගැන කිව්වේ එහෙමයි.

එම වීඩියෝව පහතින්,

---