මහ බැංකුව පොලී අනුපාතිකය අඩු කරයි

2025 මැයි 22, පෙ.ව. 9:51

ශ්‍රී ලංකා මහ බැංකුව එක්දින ප්‍රතිපත්ති පොලී අනුපාතිකය තවදුරටත් පහළ දමා තිබෙනවා.

ඊයේ (21) පැවති රැස්වීමේ දීයි ශ්‍රී ලංකා මහ බැංකුවේ මුදල් ප්‍රතිපත්ති මණ්ඩලය මෙම තීරණය ගෙන ඇත්තේ.

ඒ අනුව මුදල් ප්‍රතිපත්තිය තවදුරටත් ලිහිල් කරමින් එක්දින පොලී අනුපාතිකය 7.75% කට පදනම් අංක 25කින් අඩු කිරීමට තීරණය කර තිබෙනවා.

දේශීය සහ ගෝලීය ආර්ථික ප්‍රවණතා පිළිබඳ ව මනාව සලකා බැලීමෙන් අනතුරු ව මුදල් ප්‍රතිපත්ති මණ්ඩලය මෙම තීරණය ගෙන ඇති බව සඳහන්.

එමෙන්ම මෙම ලිහිල් කරන ලද මුදල් ප්‍රතිපත්ති ස්ථාවරය, ගෝලීය අවිනිශ්චිතතා සහ පවතින අවම උද්ධමන බලපෑම් මධ්‍යයේ උද්ධමනය 5% ක ඉලක්කය කරා ළඟාවීම සඳහා සහය වනු ඇති බව මුදල් ප්‍රතිපත්ති මණ්ඩලය විශ්වාසය පළ කරන්නේ.