2024 සැප්‍තැම්‍බර් 06, ප.ව. 4:25
ශ්‍රී ලංකාවේ ප්‍රමුඛතම මූල්‍ය සේවා සපයන්නා වන මහජන බැංකුව 2024 ජූනි 30 න් අවසන් වූ පළමු අර්ධය සඳහා සිය මූල්‍ය ප්‍රතිඵලය අද දින ප්‍රකාශයට පත් කළ අතර, බැංකුව විසින් රුපියල් බිලියන 44.6 ක සමස්ත ඒකාබද්ධ මෙහෙයුම් ආදායමක් සහ රුපියල් බිලියන 3.2 ක බදු පසු ලාභයක් වාර්තා කර ඇත. වත්මන් සාර්ව-ආර්ථික තත්ත්වයන් වඩා විචක්ෂණශීලීව සැලකිල්ලට ගනිමින් සුවිශේෂ ගැලපීම් වල බලපෑම හැර, සාමාන්‍යකරණය වූ පදනම මත මෙම සංඛ්‍යා රුපියල් බිලියන 62.6 සහ රුපියල් බිලියන 12.7 ක් වන අතර, එය 29.9්‍ර සහ 104.2්‍ර ක වර්ධනයක් පිළිබිඹු කරයි.
එමෙන්ම 2023 පළමු අර්ධයේදී රුපියල් බිලියන 31.4 ක් වූ ඒකාබද්ධ ශුද්ධ පොලී ආදායම මෙම වසරේ සිට එම කාල සීමාව තුළදී රුපියල් බිලියන 35.0 දක්වා ඉහළ ගියේය. කිසියම් සුවිශේෂ කරුණක බලපෑම හැර, සාමාන්‍යකරණය වූ පදනමක් මත අරමුදල්වල කාලීන තැන්පතු පිරිවැය අඩුවීම පිළිබිඹු කරමින් ඒකාබද්ධ ශුද්ධ පොලී සීමාව 2024 තුළ දී 2.1්‍ර සිට 3.2්‍ර දක්වා වර්ධනය විය. ඒකාබද්ධ ශුද්ධ ගාස්තු සහ කොමිස් මුදල රුපියල් බිලියන 7.4 ක් වන අතර, සමාන පදනමක් මත 19.3්‍ර වර්ධනයකි. එමෙන්ම සමස්ත ඒකාබද්ධ මෙහෙයුම් වියදම් රුපියල් බිලියන 34.6 කි. (2023 රුපියල් බිලියන 30.2)
සමස්ත ඒකාබද්ධ ගනුදෙනුකරුවන්ගේ තැන්පතු රුපියල් බිලියන 2,885.6 (2023 අවසානයේ එය රුපියල් බිලියන 2.745.2) දක්වා වර්ධනය වූ අතර, ශුද්ධ ණය ප්‍රමාණය බිලියන 1,866.8 (2023 අවසානයේ එය රුපියල් බිලියන 1.823.8) විය. අවිනිශ්චිත ණය අනුපාතය ද 2023 අවසානයට සාපේක්ෂව වැඩි දියුණුවක් පෙන්නුම් කළේය. සමස්ත ඒකාබද්ධ වත්කම් කාල සීමාව අවසානයේ දී රුපියල් බිලියන 3,364.1 දක්වා වර්ධනය විය. (2023 අවසානයේ එය රුපියල් බිලියන 3,208.2).
2024 ජූනි 30 වැනි දිනට බැංකුවේ මුළු අනුක්‍රමික සහ මුළු ප්‍රාග්ධන ප්‍රමාණවත්තා අනුපාත පිළිවෙළින් 11.5% සහ 15.9% ක් වූ අතර (2023 අවසානයේ එය 12.4% සහ 17.4%), ඒකාබද්ධ පදනම මත එය පිළිවෙළින් 12.8% සහ 16.8% ක් විය. (2023 අවසානයේ එය 13.7% සහ 18.2%). බැංකුවේ වගකීම් දැරීමේ හැකියාවද අඛණ්ඩව පවතී. අතිරේක අවිනිශ්චිත අරමුණු සඳහා ද ඇතුළුව, එහි නියාමන ප්‍රාග්ධනය ශක්තිමත් කිරීමේ වැඩිදුර උත්සාහයන් දැනටමත් ක්‍රියාත්මක වෙමින් පවතී.
මහජන බැංකුවේ සහ සමූහයේ ප්‍රතිඵල පිළිබඳ අදහස් දැක්වූ මහජන බැංකුවේ සභාපති සුජීව රාජපක්ෂ මහතා ‘ශ්‍රී ලංකා රජයේ විසින් තවමත් අවසන් කර නොමැති ණය ප්‍රතිව්‍යුහගත කිරීමේ මුලපිරීම් හේතුවෙන් උද්ගත වී තිබෙන අන්තර්කාලීන පීඩනයන් නොතකා, විවිධ අංශයන් ඔස්සේ බැංකුව ලබා ඇති ස්ථාවර ප්‍රගතිය පිළිබඳව අපි ඉතාමත් සතුටුට පත්වෙනවා. සියලුම ප්‍රධාන පාර්ශ්වකරුවන්ගේ සහයෝගය ඇතිව මෙම තත්ත්වය නුදුරු කාලයේදී සාමාන්‍ය තත්ත්වයට පත්වනු ඇතැයි අපි සුබවාදීව බලාසිටිනවා. මෙම අභියෝගයන් මධ්‍යයේ වුවද එහි සියලුම මූලික මෙහෙයුම් දර්ශක වල වර්ධනයක් වාර්තා කරමින් බැංකුව සිය ශක්තිය, ඔරොත්තු දීමේ හැකියාව නැවත වරක් ප්‍රදර්ශනය කර තිබෙනවා.
නැවතත් ප්‍රකෘති තත්වයට පත්වෙමින් ඇති සාර්ව ආර්ථික සන්දර්භයක් තුළ තවදුරටත් පවතින සංකීර්ණ තත්ත්වයන් අප අපේක්ෂා කරන අතර, ඉදිරියට ගමන් කිරීමේදී අපගේ ව්‍යාපාරයේ සෑම අංශයක් හරහාම නවෝත්පාදනයන් පෝෂණය කිරීම, සහයෝගීතාවය වැඩි දියුණු කිරීම සහ ප්‍රගතිය කරා ගෙනයාම කෙරෙහි අපගේ අවධානය යොමුව තිබෙනවා. එසේම සෑම අවස්ථාවක මෙන්ම රටේ ආර්ථික පුනර්ජීවනය සඳහා අපගේ ප්‍රමුඛ කාර්යභාරය අඛණ්ඩව පවත්වාගෙන යනවා.
අපගේ මෙම අඛණ්ඩ සාර්ථකත්වය අපගේ සියලුම කාර්ය මණ්ඩලයේ උනන්දුව, වෙහෙස මහන්සි වී වැඩ කිරීම, කැපවීම මෙන්ම අපගේ ගනුදෙනුකරුවන්ගේ නොසැලෙන විශ්වාසය පිළිබිඹු කරනවා. අපේක්ෂා සහගතව සහ ශුභවාදීව අපි අනාගතය දෙස බලා සිටින අවස්ථාවක අධ්‍යක්ෂ මණ්ඩලය වෙනුවෙන්, සියලුම පාර්ශවකරුවන්ට මගේ හද පිරි කෘතඥතාව පළ කිරීමට මම මෙය අවස්ථාවක් කර ගනිමි.’ යි ප්‍රකාශ කළේය.
මෙම ප්‍රතිඵල පිළිබඳව අදහස් දැක්වූ බැංකුවේ ප්‍රධාන විධායක නිලධාරි/සාමාන්‍යාධිකාරි ක්ලයිව් ෆොන්සේකා මහතා ‘අනපේක්ෂිත අභියෝග මධ්‍යයේ, අපගේ කණ්ඩායම යළිත් වරක් සිය ඔරොත්තු දීමේ හැකියාව, අනුවර්තනය වීමේ හැකියාව සහ නොසැලෙන කැපවීම ප්‍රදර්ශනය කර තිබෙනවා. එසේම වසරේ මුල් භාගයේ ප්‍රතිඵලවලින් අපට ඉදිරියට යාමට ඇති හැකියාව පමණක් නොව දුෂ්කරතා රැසක් මධ්‍යයේ වුවද එසේ කිරීමට ඇති හැකියාවද පෙන්නුම් කරනවා.’
මෙහෙයුම් කාර්යක්ෂමතාව, ගනුදෙනුකාර අත්දැකීම් ඉහළ නැංවීම සහ තාක්ෂණය සහ කුසලතා වෙනුවෙන් උපායමාර්ගිකව ආයෝජනය කිරීම තුළින් අපි දිගු කාලීන තිරසාර වර්ධනයක් සඳහා නිවැරදි ලෙස ස්ථානගත වී තිබෙනවා.’
වසරේ ඉතිරි කාලය තුළ තවදුරටත් පවතින අභියෝග සමග අප ඉදිරියට ගමන් කරන අතර, අපගේ උපායමාර්ගික ප්‍රමුඛතා වෙත දැඩි අවධානය යොමු කෙරේ. නව්‍යකරණය, සහයෝගීතාව වර්ධනය කිරීම සහ සෑම සන්ධිස්ථානයකදීම පරිවර්තනීය වෙනසක් ඇති කිරීමට අපි අඛණ්ඩ කැපවී සිටිනවා.’
2025 අප්‍රේල් 04, පෙ.ව. 11:28
2025 අප්‍රේල් 03, ප.ව. 6:21
2025 මාර්තු 28, ප.ව. 12:31
2025 මාර්තු 23, පෙ.ව. 6:36
2025 මාර්තු 20, ප.ව. 2:30