රාජ්‍ය මුදල් හා දේපළ අවභාවිතා කළ ඩයනාට වැඩ වරදී

2024 ජූලි 01, පෙ.ව. 8:15

හිටපු රාජ්‍ය ඇමතිනී ඩයනා ගමගේට එරෙහිව අල්ලස් හෝ දුෂණ චෝදනා විමර්ශන කොමිසම විසින් විමර්ශන ආරම්භ කර ඇත.

මෙරට පුරවැසියකු නොවන බව දනිමින්ම පාර්ලිමේන්තු මන්ත්‍රීවරියක හා රාජ්‍ය අමාත්‍යවරියක වශයෙන් වසර 04කට ආසන්න කාලයක් කටයුතු කිරීමෙන් රාජ්‍ය මුදල් හා දේපළ අවභාවිත කිරීම සම්බන්ධව එම විමර්ශන ආරම්භ කර ඇත.

ඩයනා ගමගේ පාර්ලිමේන්තු මන්ත්‍රීවරියක හා රාජ්‍ය අමාත්‍යවරියක වශයෙන් කටයුතු කරමින් රාජ්‍ය මුදල් හා දේපළ අවභාවිත කර අල්ලස් පනතේ සඳහන් දුෂණය නමැති වරද කර ඇති බවට ලැබුණු පැමිණිල්ලකට අනුව මෙම විමර්ශන ආරම්භ කර ඇත.

රාජ්‍ය මුදල් හා දේපළ අවභාවිත කිරීම සම්බන්ධයෙන් විමර්ශනයක් කර ඇය අවභාවිත කළ මුදල් ආපසු අය කරගන්නා ලෙසත් ඇයට එරෙහිව නඩු පවරන ලෙසත් ඉල්ලමින් අල්ලස දූෂණය හා නාස්තියට එරෙහි පුරවැසි බලය සංවිධානයේ සභාපතිවරයා කළ පැමිණිල්ලකට අනුව මෙම විමර්ශන ආරම්භ කර ඇත.