ඉන්ධන මිල වැඩිකෙරේ

2026 පෙබරවාරි 28, ප.ව. 10:42

ලංකා ඛනිජ තෙල් සංස්ථාව (සිපෙට්කෝ) අද (28) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කරන බව නිවේදනය කර ඇත.

ඒ අනුව, ඔටෝ ඩීසල් ලීටරයක මිල රුපියල් 4 කින් වැඩි කර ඇති අතර එහි නව මිල රුපියල් 281කි.

සුපර් ඩීසල් ලීටරයක මිල රුපියල් 6 කින් වැඩි කර ඇති අතර නව මිල රුපියල් 329 කි.

මේ අතර, ඔක්ටේන් 92 පෙට්‍රල් ලීටරයක මිල ද රුපියල් 1 කින් වැඩි කර ලීටරයකට රුපියල් 293ක් ලෙස සටහන් වේ.

කෙසේවෙතත්, භූමිතෙල් සහ ඔක්ටේන් 95 පෙට්‍රල් මිලෙහි කිසිදු වෙනසක් සිදුනොවන බව ඛනිජ තෙල් නීතිගත සංස්ථාව පැවසීය.

සංශෝධිත මිල ගණන් පහත පරිදි වේ:

ඔටෝ ඩීසල් – රු. 281 (රු. 4 කින් වැඩිකර ඇත)

සුපර් ඩීසල් – රු. 329 (රු. 6 කින් වැඩිකර ඇත)

ඔක්ටේන් 92 පෙට්‍රල් – රු. 293 (රු. 1 කින් වැඩිකර ඇත)

භූමිතෙල් – රු. 182 (සංශෝධනය නොවේ)

පෙට්‍රල් 95 ඔක්ටේන් – රු. 340 (සංශෝධනය නොවේ)

මේ අතර, ලංකා ඛනිජ තෙල් සංස්ථාව (CPC) විසින් ඉන්ධන මිල සංශෝධනය සංශෝධනය කිරීමට ගත් තීරණයට අනුව, අද (28) මධ්‍යම රාත්‍රියේ සිට ක්‍රියාත්මක වන පරිදි ලංකා IOC (LIOC) ද ඉන්ධන මිල සංශෝධනය කර ඇත.