තවත් 15 හැවිරිදි පාසැල් සිසුවියකට සිදු වූ දේ – මව හැඩූ කඳුලින් පොලීසියට යයි

2023 මැයි 14, ප.ව. 12:32

---

---

බෙන්තොට, සිංහරූපාගම ප්‍රදේශයේ පදිංචි වයස අවුරුදු 15යි මාස 2ක් වන පාසල් සිසුවියක් අතුරුදන්ව ඇති බවට වාර්තා වනවා.

ඇයගේ මව බෙන්තොට පොලිසියට ඊයේ පැමිණිලි කර ඇත්තේ, සිය දියණිය සංචාරක හෝටලයක රැකියාවක නිරත තරුණයෙකු සමඟ ප්‍රේම සබඳතාවක් ඇති බවට තමන්ට දැන ගැනීමට ලැබුණු බවයි.

ඒ අනුව, ඒ සම්බන්ධයෙන් පසුගිය 10වනදා සිය දියණියට අවවාද කළ බවද, ඇයගේ මව විසින් පොලිසියට පවසා තිබෙනවා.

ඉන් අනතුරුව තමන්ට අසනීප යැයි පවසා දින 2ක් එම සිසුවිය පාසල්ද ගොස් නොතිබූ බවයි වාර්තා වන්නේ.

මව විසින් පොලිසියට පවසා ඇත්තේ, ඊයේ දහවල් තමන් සෙසු දරුවන් දෙදෙනා පාසලෙන් රැගෙන ඒමට නිවසින් පිටව ගොස් යළි පැමිණිමේදී සිය දියණිය නොසිටි බවයි.

තමන් තරුණයෙකු සමඟ බසයකට නැග අතුරුවැල්ලෙන් බසයෙන් බැස ගිය බව එම සිසුවිය විසින් ඇගේ මිතුරියක් වෙත දුරකථන ඇමතුමක් ලබා දී දැනුම් දී ඇති බවද මව පොලිසියට වැඩිදුරටත් ප්‍රකාශ කර තිබෙනවා.

මෙතෙක් කිසිදු තොරතුරක් නොමැති එම පාසල් සිසුවිය සහ මීගමුව බටහිර ඇල ඉවුර ප්‍රදේශයේ පදිංචි 24 හැවිරිදි තරුණයා සොයා බෙන්තොට පොලිසිය වැඩිදුර විමර්ශන ආරම්භ කර තිබෙනවා.

---