ලංකාවට Google සමාගමෙන් සුබ ආරංචියක් – මීට පස්සේ මේක නොමිලේම පාවිච්චි කරන්න පුළුවන්

2025 සැප්‍තැම්‍බර් 29, ප.ව. 5:17

Google සමාගම තම AI වේදිකාව වන ජෙමිනිහි (Gemini) ඇති වි‍ශේෂාංගයන් සහ ඒ ආශ්‍රිත අනෙකුත් ප්‍රතිලාභ මෙරට සිසුන්ට නොමිලේ ලබාදීමට එකඟ වී ඇති බව ඩිජිටල් ආර්ථික නියෝජ්‍ය ඇමති එරංග වීරරත්න සඳහන් කරයි.

මෙම පියවර මඟින් ශ්‍රී ලංකාවේ AI සංවර්ධනය සහ ඩිජිටල් සාක්ෂරතාවයේ ජාතික ධාරිතාව සැලකිය යුතු ලෙස ඉහළ නැංවීමට අපේක්ෂා කරන අතර ඊළඟ පරම්පරාවට නවෝත්පාදනය කිරීමට, සංකීර්ණ අභියෝග විසඳීමට සහ ගෝලීය වශයෙන් තරඟ කිරීමට බලගන්වයි.

කෙසේ වෙතත්, මෙම බලගතු මෙවලම් වගකීමෙන් හා සමාජයේ යහපත සඳහා භාවිතා කරන ලෙසට නියෝජ්‍ය ඇමති එරංග වීරරත්න සිසුන්ගෙන් ඉල්ලා සිටියි.

AI National Expo ප්‍රදර්ශනය ආරම්භ කරමින් නියෝජ්‍ය ඇමති එරංග වීරරත්න මේ බව සඳහන් කරයි.