විගමණික ශ්‍රමිකයන්ට කෝටියක් දක්වා නිවාස ණය

2025 නොවැම්‍බර් 17, පෙ.ව. 12:06

---

---

ශ්‍රී ලංකා විදේශ සේවා නියුක්ති කාර්යාංශය ස්ථාපිත වීමට වසර 40ක් සපිරීම නිමිත්තෙන් හෙට (17) අරලියගහ මන්දිරයේදී අග්‍රාමාත්‍ය හරිනි අමරසූරිය මහත්මියගේ ප්‍රධානත්වයෙන් විශේෂ සැමරුම් උත්සවයක් පැවැත්වේ.

“දේශ සීමා ඉක්මවා – ශ්‍රී ලාංකිකයින් බලගැන්වීම්” තේමාව යටතේ මෙම උත්සවය සංවිධානය වන අතර, විගමණික ප්‍රජාවට පහසුකම් රැසක් හඳුන්වාදීමට සැලසුම් කර ඇත.

ප්‍රධාන සුදුසුකම්,

• නිවාස ණය රු. මිලියන 10 දක්වා ඉහළ දැමීම (කෝටියක් දක්වා).
• මරණ දීමනාව රු. 40,000 සිට රු. 100,000 දක්වා ඉහළ නැංවීම.
• මරණ රක්ෂණ වන්දි රු. ලක්ෂ 6 සිට රු. ලක්ෂ 20 දක්වා ඉහළ දැමීම.
• විගමණික දරුවන්ට මූල්‍ය ආධාර හා ලැප්ටොප් පරිගණක ප්‍රදානය.
• නව්‍යකරණය කළ 24 පැය ඇමතුම් මධ්‍යස්ථානය විවෘත කිරීම.
• කාර්යාංශයේ ඩිජිටල්කරණ වැඩසටහන ආරම්භය.
• සාර්ථක ව්‍යාපාරික විගමණිකයන් හා දීර්ඝකාලීන රැකියා ආයතන ඇගයීම.
• ජනාධිපති අරමුදල මගින් විගමණික පවුල්වලට ප්‍රතිලාභ.

මෙම වැඩසටහන් මගින් විගමණික ශ්‍රමිකයන්ගේ ජීවන තත්ත්වය ඉහළ නැංවීමට හා ඔවුන්ගේ පවුල්වල ආර්ථික ස්ථායිතාව තහවුරු කිරීමට අපේක්ෂා කෙරේ.

---