ඉෂාරා සෙව්වන්දි ලංකාව⁣ට ගේන්න STF නිලධාරීන් නේපාලයට

2025 ඔක්‍තෝබර් 15, පෙ.ව. 10:30

---

---

සංවිධානාත්මක අපරාධ කල්ලි සාමාජික ගණේමුල්ල සංජීව ඝාතනයේ ප්‍රධාන සැකකාරිය වන ඉෂාරා සෙව්වන්දි ඇතුළු ශ්‍රී ලාංකිකයන් පස් දෙනා දිවයිනට රැගෙන ඒම සඳහා පොලිස් විශේෂ කාර්ය බළකායේ නිලධාරීන් දෙදෙනෙකු නේපාලය බලා පිටත්ව ගොස් ඇත.

දැනටමත් නේපාලයේ සිටින CID කණ්ඩායමට සහාය වීම සඳහා ඔවුන් එලෙස දිවයිනෙන් පිටව ගොස් ඇති අතර ඔවුන් අද දිනයේ සවස දිවයිනට පැමිණීමට නියමිතව ඇත.

නේපාල ආරක්ෂක අංශ සමග සිදුකළ ඒකාබද්ධ මෙහෙයුමකදී, නේපාලයේ කත්මණ්ඩු නුවර සිට කිලෝමීටර 18ක පමණ දුරින් පිහිටි නිවසක රැඳී සිටියදී ඉෂාරා සෙව්වන්දි අත්අඩංගුවට ගනු ලැබීය.

ඉෂාරා සෙව්වන්දි සමග තවත් කාන්තාවක් ඇතුළු පුද්ගලයින් සිව්දෙනෙකු එහිදී අත්අඩංගුවට ගෙන ඇත.

---