ශ්‍රී ලාංකිකයෙක් හමාස් සංවිධානයේ ප්‍රාණඇපයේ

2023 ඔක්‍තෝබර් 31, ප.ව. 6:41

ඊශ්‍රායලයට එල්ලවූ හමාස් ප්‍රහාරය අතරතුර අතුරුදන්ව සිටින සුජිත් යටවර බණ්ඩාර මේ වනවිට හමාස් ප්‍රාණ ඇපකරුවන් අතර සිටිය හැකි බවට සැක පළකරන බව ඊශ්‍රායලයේ විදේශ අමාත්‍යාංශය නිල වශයෙන් දැනුම්දී තිබෙනවා.

කෙසේ වෙතත් යටවර බණ්ඩාරගේ දරුවන් විසින් ලබා දී තිබූ DNA සාම්පල් හා මෘත ශරීර අතර ගැලපීමක් ඇත්දැයි යන්න සම්බන්ධයෙන් පරීක්ෂණ ක්‍රියාත්මකව පවතීන බවටයි.

මේ අතර ඊශ්‍රායලයේ ශ්‍රී ලංකා තානාපති නිමල් බණ්ඩාර පවසන්නේ පැහැරගෙන ගොස් ඇති පුද්ගලයින් අතර සුජිත් සිටින බවට සැකපළ කරන බවයි.

එසේම හමාස් සංවිධානය රතු කුරුස සංවිධානය හරහා නාම ලේඛනය ඉදිරිපත් කළහොත්, සුජිත්ගේ නම එහි තිබුණහොත් ඔහුව මුදාගැනීමට අවශ්‍ය පියවර ගන්නා බවයි නිමල් බණ්ඩාර වැඩිදුරටත් පවසන්නේ.