2025 සැප්‍තැම්‍බර් 03, පෙ.ව. 9:10
කහතුඩුව පොලිසිය විසින් පසුගිය අගෝස්තු 25 වැනි දින ව්‍යාජ පිස්තෝලයක් සමඟ අත්අඩංගුවට ගත් රැප් ගායක මාධව ප්‍රසාද් නොහොත් ‘මදුවා’ නමැත්තා පුපුරන ද්‍රව්‍ය ළඟ තබා ගැනීමේ චෝදනාවට යළිත් වරක් අත්අඩංගුවට ගෙන තිබේ.
සැකකරු සන්තකයේ තිබී ජෙලග්නයිට් කූරු තුනක්, ඩෙටනේටර් පහක් සහ ඇමෝනියම් නයිට්‍රේට් කිලෝග්‍රෑම් 3.5ක් පොලිස සොයාගෙන ඇත.
මෙම රැප් ගායකයා මීට පෙර දින ව්‍යාජ පිස්තෝලයක් සමඟ අත්අඩංගුවට ගෙන තිබූ අතර පසුව කැස්බෑව මහේස්ත්‍රාත් අධිකරණයට ඉදිරිපත් කිරීමෙන් පසු ඇප මත මුදාහැර ඇත.
සැකකරු පවසා ඇත්තේ මීට මාස කිහිපයකට පෙර කොටවිල පොලිස් ස්ථානයෙන් ගිනි අවියක් කොල්ලකෑම සම්බන්ධයෙන් මන්නාරම විශේෂ අපරාධ විමර්ශන කොට්ඨාශය විසින් අත්අඩංගුවට ගෙන සිටි පොලිස් කොස්තාපල්වරයකු තවත් රැප් ගායකයෙකු සමඟ පැමිණ එය සුරක්ෂිතව තබාගැනීමට පුපුරන ද්‍රව්‍ය භාරදුන් බවයි.
කෙසේවෙතත් ගිනි අවියක් කොල්ලකෑම සම්බන්ධයෙන් මන්නාරම විශේෂ අපරාධ විමර්ශන කොට්ඨාශය විසින් මින් පෙර අත්අඩංගුවට ගනු ලැබුවේ ශාන් පුතා නැමති රැප් ගායකයාට ගිනි අවිය ලබාදුන් කොස්තාපල්වරයාය.
එම සිදුවීමට අදාලව ශාන් පුතා නැමති ගායකයාද අත්අඩංගුවට පත්වූ අතර මේ වනවිට ඇප මත නිදහස්ව සිටී.
2025 සැප්‍තැම්‍බර් 03, පෙ.ව. 11:29
2025 සැප්‍තැම්‍බර් 03, පෙ.ව. 9:40
2025 සැප්‍තැම්‍බර් 03, පෙ.ව. 9:32
2025 සැප්‍තැම්‍බර් 03, පෙ.ව. 9:30
2025 සැප්‍තැම්‍බර් 03, පෙ.ව. 12:09