මහින්ද හිටපු ගෙදර විදුලිය සහ ජල බිල් ගෙවා නැතැයි ප්‍රශ්නයක් මතු වෙයි

2025 ඔක්‍තෝබර් 10, පෙ.ව. 12:05

---

---

හිටපු ජනා­ධි­පති මහින්ද රාජ­පක්ෂ මහතා පදිං­චිව සිටි කොළඹ 07, විජේ­රාම මාවතේ පිහිටි නිවසේ විදුලි හා ජල බිල්පත් හිඟ­යක් පැව­තීම හේතු­වෙන් විදුලි සහ ජල සම්පා­දන සම්බ­න්ධතා විසන්ධි කිරී­මට 07 සූදා­නම් වී ඇතැයි වාර්තා වනවා.

ජාතික ජල සම්පා­දන හා ජලා­ප­ව­හන මණ්ඩ­ලයේ නිල­ධා­රීන් ජල සම්බ­න්ධ­තාව විසන්ධි කිරී­ම­ටත්, රුපි­යල් ලක්ෂ­යක හිඟ විදුලි බිල්ප­තක් ඇති හෙයින් විදුලි බල මණ්ඩ­ලය විදු­ලිය විසන්ධි කිරී­ම­ටත් එහි ගොස් ඇති බව පැවසේ.

මේ වන විට ආර­ක්ෂක අංශ නිල­ධා­රීන් පම­ණක් එහි සිටින බැවින් ආපසු හැරී පැමිණ ඇති බවයි ආරංචි මාර්ග සඳ­හන් කරන්නේ.

මේ සම්බ­න්ධ­යෙන් ජාතික ජල සම්පා­දන හා ජලා­ප­ව­හන මණ්ඩ­ලයේ සභා­පති චන්දන බණ්ඩාර මහ­තා­ගෙන් ‘රජයේ පුවත් පතක්’ කළ විම­සී­මේදී සඳ­හන් කර ඇත්තේ, එම නිවසේ රුපි­යල් ලක්ෂ 6ක හිඟ ජල බිල්ප­තක් ඇති බවයි.

මෙවැනි හිඟ බිල්පත් සම්බ­න්ධ­යෙන් ඉදිරි ක්‍රියා­මාර්ග ගැනීමේ සාමාන්‍ය ක්‍රම­වේ­දය අනුව පෙරේදා (07) විජේ­රාම මාවතේ පිහිටි මෙම නිවසේ ද ජලය අත්හි­ටු­වීම සඳහා ජාතික ජල සම්පා­දන හා ජලා­ප­ව­හන මණ්ඩ­ලයේ සේව­ක­යන් එහි ගොස් ඇති බව ද ඔහු පවසයි.

---