පසුගිය කාලයේ සිදුවූ සෑම ජාත්‍යන්තර ගනුදෙනුවකම සොරකම් තිබුණා

2026 මාර්තු 22, පෙ.ව. 12:19

පසුගිය කාලයේ සිදුවූ ජාත්‍යන්තර ගනුදෙනු සියල්ලේම ගසාකෑම් සහ සොරකම් තිබූ බව හිටපු අමාත්‍ය එස්.බී දිසානායක සඳහන් කරයි.

එවැනි දූෂණ, වංචා සිදුවී ඇත්නම් හෝ එවැනි ගනුදෙනුවල සාක්ෂි සටහන් තිබේ නම් එම වැරදිකරුවන්ට දඬුවම් දීම සම්බන්ධයෙන් පෞද්ගලිකව තමා සතුටු වන බවද හිටපු අමාත්‍ය එස්.බී දිසානායක සඳහන් කරයි.

එයාර් බස් යානා මිලදී ගැනීමේ ගනුදෙනුවේදී අල්ලස් ලබා ගැනීම සහ මූල්‍ය අවභාවිතය සම්බන්ධයෙන් වන විමර්ශනයකට අදාළව හිටපු ප්‍රධාන විධායක නිලධාරී කපිල චන්ද්‍රසේන අත්අඩංගුවට ගැනීම සම්බන්ධව එස්.බී දිසානායක මේ බව සඳහන් කරයි.

හිටපු අමාත්‍ය එස්.බී දිසානායක සඳහන් කළේ,

“ඒ කාලේ ජාත්‍යන්තර වශයෙන් සිද්ධ වෙච්ච ගනුදෙනු හැම එකකම ගසා කෑම් තිබ්බා. හොරකම් තිබ්බා. ඒ නිසා එයාර්බස් වගේ දේවල්වල හොරකම් සිද්ධ වෙලා තියෙනවා, නම් ඒවට හරියට සාක්ෂි සටහන් තියෙනවා නම් වැරදිකාරයෝ අරගෙන දඬුවම් කරන එක පෞද්ගලිකව මම නම් සතුටුයි.”