සුබ ආරංචියක් – මේ බලපත්‍ර අලුත් කිරීමේ කාලය මසකින් දීර්ඝ කෙරේ

2026 ජනවාරි 01, පෙ.ව. 12:18

---

---

ආරක්ෂක අමාත්‍යංශය පවසන පරිදි, ගිනිඅවි සඳහා බලපත්‍ර හිමි පුද්ගලයින් හා ආයතන සඳහා 2026 වසර වෙනුවෙන් බලපත්‍ර අලුත් කිරීමේ කාලය ජනවාරි 31 දක්වා දීර්ඝ කර ඇත.

පෙර නිවේදනය අනුව, 2025 සැප්තැම්බර් 01 සිට දෙසැම්බර් 31 දක්වා පමණක් බලපත්‍ර අලුත් කිරීම සිදුකිරීමට කාලසීමාව නියමිත කර තිබුණි.

නමුත්, ආරක්ෂක අමාත්‍යංශය දැන් එම කාලය ජනවාරි 31 වනදා දක්වා දික් කර ඇත. එබැවින්, එදිනට පසු බලපත්‍ර රහිතව ගිනි අවියක් ළඟ තබා ගැනීම බරපතල වරදක් වන අතර, 22 වන වගන්තියේ අනුව දඬුවම් ලැබිය හැකි වේ.

තවද, 2026/2027 වසර සඳහා පෞද්ගලික ආරක්ෂක නියෝජිත ආයතන ලියාපදිංචියද, රට තුළ පැවති ආපදා තත්ත්වය හේතුවෙන් ජනවාරි 31 දක්වා දිගු කර ඇති බව අමාත්‍යංශය සඳහන් කළේය.

පසුව සිදුකල අලුත් කිරීම් සඳහා ප්‍රමාද ගාස්තු සහ නීතිමය ක්‍රියා මාර්ග ගැනීමටද පියවර ගන්නා බවද ඔවුන් ප්‍රකාශ කළේය.

---