ජනාධිපති ලේකම් වාහන සඳහා රුපියල් 5,722,926,340ක් වියදම් කරලා.!

2025 ජූලි 14, පෙ.ව. 12:07

---

---

පසුගිය වසර දහයකද කාලය තුළ ජනාධිපති ලේකම් කාර්යාලය විසින් වාහන සම්බන්ධ වියදම් සඳහා රුපියල් බිලියන 5.7ක් (5,722,926,340ක්) මහජන බදු මුදල් වැය කර ඇති බව ජාතික පුවත්පතක් අංක 12 දරන තොරතුරු දැනගැනීමේ පනත යටතේ ලබාගත් තොරතුරු අනුව අනාවරණය වී තිබේ.

ජනාධිපතිවරු තිදෙනෙකු යටතේ 2012 සිට 2022 දක්වා වසර දහයක කාලයේදී මෙම වියදම් සිදුකර තිබේ.

එම වියදම් අතර නව මිලදී ගැනීම්, වාහන නඩත්තු, වැඩිදියුණු කිරීම්, කල්බදු වාහන සඳහා ලීසිං වාරික ගෙවීම්ද ඇතුළත් වෙයි.

තොරතුරු දැනගැනීමේ පනත යටතේ ජනාධිපති ලේකම් කාර්යාලයේ 2012-2022 කාලය තුළ සාමාන්‍ය පරිපාලන වියදම් පිළිබඳව ලබාගත් අංක ඡී/ඍඔI/04/2023 අංක දරන තොරතුරු ගොනුව තුළින් මේ බව අනාවරණය වී තිබේ.

ජනාධිපති කාර්යාලයේ සාමාන්‍ය පරිපාලන වියදම් සම්බන්ධයෙන් කරන ලද තොරතුරු ඉල්ලීමකට අනුව වාහන නඩත්තුව සඳහා පමණක් 2012 සිට 2022 කාලය තුළදී රුපියල් 1,865,640,511.00ක් වියදම් කර ඇති බව අනාවරණය වී ඇත.

තව ද, වාහන වැඩිදියුණු කිරීම් සඳහා පමණක් 2012 සිට 2022 දක්වා කාලය තුළ රුපියල් 1,564,033,298ක් වියදම් කර ඇති බවත් වාහන මිල දී ගැනීම් සඳහා පමණක් 2012 සිට 2022 දක්වා කාලය තුළ රුපියල් 48,908,155ක් වියදම් කර ඇති බවත් එම තොරතුරුවල සඳහන් වේ.

එසේ ම, ‘ලීසිං’ ක්‍රමය යටතේ වාහන ලබා ගැනීම සඳහා ගෙවීම්වලට පමණක් 2012 සිට 2022 දක්වා කාලය තුළ රුපියල් 1,781,843,095ක් වියදම් කර ඇති බවත් කල්බදු වාහන සඳහා ලීසිං වාරික ගෙවීම සඳහා පමණක් 2017 සිට 2022 දක්වා කාලය තුළ රුපියල් 462,501,281ක් වියදම් කර ඇති බවත් එම තොරතුරු ලේඛනයේ දැක්වේ.

මෙම වාර්තාව 2012-2022 දක්වා කාලසීමාව ආවරණය කරන අතර ඒ කාලය තුළ මහින්ද රාජපක්ෂ, මෛත්‍රිපාල සිරිසේන සහ ගෝඨාභය රාජපක්ෂ යන ජනාධිපතිවරු ධුර දැරූහ.

---