ඉස්සර කිරීමට ඉඩ නොදුන් නිසා කන්ටේනර් ඩ්‍රයිවර් දාපු වෙට්ටුව (VIDEO)

2026 ජනවාරි 07, පෙ.ව. 8:36

---

---

අධිවේගී මාර්ගයක කන්ටේනර් ට්‍රක් රථයක් අනතුරුදායක ලෙස ධාවනය කර බස් රථයකට අනතුරක් සිදුකිරීමට උත්සාහ කරන ආකාරය දැක්වෙන වීඩියෝ පටයක් සමාජ මාධ්‍ය ඔස්සේ සංසරණය වේ.

සමාජ මාධ්‍යවල සංසරණය වන වීඩියෝ දර්ශනවලින් පෙනීයන්නේ කන්ටේනර් ට්‍රක් රථය බස් රථය අසලින් ආක්‍රමණශීලීව ගමන් කරන බවත්, මංතීරුවේ මායිම දෙසට බසය තල්ලු කර විශාල අනතුරක් සිදුකිරීමට උත්සාහ කරන බවත්ය.

සාක්ෂිකරුවන්ට අනුව, කන්ටේනරයට ගමන් කිරීමට ඉඩදීම සඳහා බස් රථය වේගය අඩුකර අනෙක් මංතීරුවට ගමන් කළද, ට්‍රක් රථය බස් රථයේ මංතීරුවට ඇතුළු වී ජීවිතවලට තර්ජනයක් විය හැකි ආකාරයෙන් එය පසෙකට තල්ලුකරනු ලබයි.

සිද්ධියෙන් කිසිවෙකුට තුවාල සිදුවී නොමැති අතර, බස් රථයට හානියක් නොමැතිව ගමන දිගටම කරගෙන යාමට හැකිව තිබේ.

කෙසේවෙතත්, මෙම දර්ශන අන්තර්ජාලය තුළ මහජනතාවගේ කෝපයට හේතු වී ඇති අතර, සමාජ මාධ්‍ය පරිශීලකයන් නොසැලකිලිමත් ලෙස රිය පැදවීමට එරෙහිව දැඩි ලෙස ක්‍රියාත්මක වන ලෙස පොලිසියෙන් ඉල්ලා සිටී.

---