බදු අඩු කරන්න නෙමෙයි, හාල් පාලන මිල ඉවත් කරන්න සාකච්ඡා කරනවා…! – ඇමති වසන්ත සමරසිංහ

2024 දෙසැම්‍බර් 23, පෙ.ව. 12:08

---

---

ආනයනික සහල් සඳහා පනවා ඇති බදු නොකරන්නේ දේශීය ගොවි ජනතාව පිළිබඳ සිතා බව වෙළඳ වානිජ ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ පවසයි.

ඇමැතිවරයා පෙන්වා දෙන්නේ ඩොලරය ඉහළ යෑම නිසා මතුව ඇති ගැටලු නිරාකරණය සඳහා කෙටි කලකට පාලන මිල ඉවත් කිරීම පිළිබඳ සාකච්ඡාවක් සිදුවන බවයි.

මෙමගින් නැවත පාරිභෝගික ජනතාවට වැඩි මිලට සහල් ගැනීමට සිදුවීමේ අවදානමක් මතුව ඇති බව ද හෙතෙම සඳහන් කරයි.

ගොවි ජනතාවට බලපෑමක් නොවන ආකාරයට වෙළඳපොළේ සහල් සුලබ කිරීම සඳහා යම් ඉඩක් ඇත්දැයි සැලකිලිමත් වන බව ද ඇමති වසන්ත සමරසිංහ ප්‍රකාශ කරයි.

ආනයනික සහල් සඳහා පනවා ඇති බදු ඉවත් කිරීමේ ඉල්ලීම ගැන අදහස් දක්වමින් ඇමතිවරයා මේ බව කීය.

---