ශ්‍රී ලංකාව 19න් පහළ ආසියානු කුසලානයෙන් ඉවතට

2024 දෙසැම්‍බර් 07, ප.ව. 2:30

---

---

වයස අවුරුදු 19න් පහළ ආසියානු කුසලානයේ අවසන් මහා තරගයට පිවිසිමේ අවස්ථාව ශ්‍රී ලංකා වයස 19න් පහළ කණ්ඩායමට අහිමි විය.

ඉන්දියාව හමුවේ කඩුලු 7කින් පරාජය වීමත් සමග ශ්‍රී ලංකා කණ්ඩායම තරගාවලියෙන් ඉවත් විය.

අවසන් පූර්ව වටයේ සාජාහිදී පැවැතුණු තරගයේ ප්‍රථමයෙන් පන්දුවට පහරදුන් ශ්‍රී ලංකා 19න් පහළ කණ්ඩායමට ලබා ගත හැකිවුණේ පන්දුවාර 46.2කදී කඩුලු 10ම දැවී ලකුණු 173ක් පමණි.

පිළිතුරු ඉනිම ක්‍රීඩා කළ ඉන්දියා 19න් පහළ කණ්ඩායම පන්දුවාර 21.4කදී කඩුලු 3ක් ලකුණු 175ක් ලබා තරගය ජය ගත්තේය.

මීට අමතරව අනෙක් අවසන් පූර්ව තරගයේදී පාකිස්ථාන වයස 19න් පහළ කණ්ඩායම කඩුලු 7කින් පරාජය කරමින් බංග්ලාදේශය අවසන් මහ තරගයට සුදුසුකම් ලබා ගත්තාය.

අවසන් තරගය හෙට ඉන්දීය සහ බංග්ලාදේශ වයස 19න් පහළ කණ්ඩායම් අතර පැවැත්වීමට නියමිතව තිබේ.

---