ශ්‍රී ලංකාවට රැගෙන ආ එක්දින ලෝක කුසලානය

2023 සැප්‍තැම්‍බර් 14, පෙ.ව. 10:37

---

---

2023 ලෝක කුසලාන එක්දින ක්‍රිකට් තරගාවලියේ ශූරයින්ට පිරිනමනු ලබන කුසලානය අද ශ්‍රී ලංකාවට රැගෙන එනු ලැබුවා.

ශ්‍රී ලංකාවේ ප්‍රධානතම ව්‍යාපාරික මධ්‍යස්ථානයක් වන කොළඹ ලෝක වෙළඳ මධ්‍යස්ථානයේදී පෙරවරු 9 සිට පස්වරු 2 දක්වා ලෝක කුසලානය ප්‍රදර්ශනය කෙරෙන අතර පස්වරු 3 සිට රාත්‍රී 8 දක්වා One Galle Face Mall හිදී මහජනතාවට කුසලානය නැරඹීමේ අවස්ථාව හිමිවනවා.

හෙට දිනයේදී ශ්‍රී ලංකා එක්දින සහ T20 නායක දසුන් ශානකගේ සහභාගීත්වයෙන් ලෝක කුසලානයේ ජනමාධ්‍ය ප්‍රදර්ශනය පැවැත්වීමට සැලසුම් කර තිබෙනවා.

ශ්‍රී ලංකාවේදී කුසලානය ප්‍රදර්ශනය අවසන් වූ පසු, 2023 ලෝක කුසලානයට සත්කාරකත්වය ලබා දෙන ඉන්දියාව වෙත එය රැගෙන යනු ඇති.

මෙවර එක්දින ලෝක කුසලානය ලබන ඔක්තෝබර් මස 5 වනදා ඉන්දීයාවේදී ආරම්භ වීමට නියමිතයි.

---